Úkimet • 23 Aqpan, 2020

Ǵabıt Syzdyqbekov Serbııa kooperatıvtik odaǵynyń prezıdentimen kezdesti

13 retkórsetildi

Qazaqstannyń Serbııa Respýblıkasyndaǵy Elshisi Ǵabıt Syzdyqbekov Serbııa Respýblıkasy Aýyl, orman jáne sý sharýashylyǵy mınıstrliginiń Memlekettik hatshysy Darko Bojıch jáne Serbııa kooperatıvtik odaǵynyń prezıdenti Nıkolaı Mıhaılovıchpen kezdesti. Bul týraly Syrtqy ister mınıstrliginiń baspasóz qyzmeti habarlady.

Taraptar aýyl sharýashylyǵy salasyndaǵy, onyń ishinde eń joǵary jáne joǵary deńgeıdegi buryn qol jetkizilgen ýaǵdalastyqtardy oryndaý sheńberinde, sondaı-aq saýda-ekonomıkalyq yntymaqtastyq jónindegi ekijaqty úkimetaralyq komıssııa otyrystarynyń qorytyndylary boıynsha ózara is-qımyldyń perspektıvalary men yqtımal formattaryn talqylady.

Atap aıtqanda, tuqymdardyń joǵary sapaly sorttaryn óndirý jáne jemister men jıdekterdi serbtik tehnologııa boıynsha ósirý tájirıbesin zerdeleý maqsatyndaǵy qazaqstandyq seriktestermen yntymaqtastyqty jolǵa qoıý úshin Serbııanyń jetekshi ǵylymı-zertteý ınstıtýttary men ortalyqtaryna saparlardy uıymdastyrý jaıynda ýaǵdalastyqqa qol jetkizildi.

Áńgimelesý barysynda Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti men Serbııa Respýblıkasy Aýyl, orman jáne sý sharýashylyǵy mınıstrliginiń Veterınarııa basqarmasy arasyndaǵy veterınarııa salasyndaǵy yntymaqtastyq jaıynda Memorandýmǵa qol qoıý perspektıvalary talqylandy.

Kezdesýdyń aıaǵynda Qazaqstan Elshisi Qazaqstan men Serbııanyń múddeli vedomstvolar men isker toptary ókilderiniń eki eldiń aýmaqtarynda uıymdastyrylatyn jármeńkeler men kórmelerge ózara qatysýyn qamtamasyz etýge erekshe nazar aýdarýdy usyndy.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar