Buǵan deıin Baqyt Nasyrhanuly Dostyq aýyldyq okrýginde turatyn Qarabaevtar otbasyna baryp, otanasynyń jaǵdaıymen tanysqan bolatyn. P.Qarabaeva osydan 3 jyl buryn jol apatyna ushyrap, tósek tartyp qalǵan. Naýqastyń jaı-kúıimen tanysqan aýdan basshysy kvota qarastyryp, demeýshiler uıymdastyrý úshin tıisti bólim basshylaryna tapsyrma bergen bolatyn. Osylaısha Qarabaevtar otbasy «Qamqorlyq» baǵdarlamasynyń qamqorlyǵyna ilikken.
Munan soń aýdan basshysy Myrzakent kentinde turatyn Uly Otan soǵysynyń ardageri Seıitmurat Quzjanovtyń shańyraǵyna baryp, ardagerdiń mereıli mereıtoıymen quttyqtap qaıtty. 1926 jyly dúnıege kelgen ardager 94 jasqa tolyp otyr. Sonymen qatar, aýdan ákimi 73 jasqa tolyp otyrǵan jalǵyzilikti qarııa Valerıı Soıdyń úıine de bardy. Oılamaǵan jerden syıǵa bólengen qarııalardyń qýanyshynda shek bolmady.
Aıta keteıik, «Eriktiler jyly» aıasynda aýdanymyzdyń erikti jastary tyl ardagerleri men jalǵyzilikti qarttardyń úı jumystaryna kómektesip, jaǵdaılarynan jıi habar alyp turady.
