Qoǵam • 23 Aqpan, 2020

Jalaqynyń ortasha deńgeıi tómen

177 retkórsetildi

Adamdardyń áleýmettik-turmystyq kóńil-kúıine tikeleı áser etetin faktorlardyń biri –jalaqy. Onyń kólemi atqarylǵan jumystar men tógilgen mańdaı terdiń óteýine sáıkes kelmese, belgili bir kásiporynda qyzmet jasaıtyn jumysshylardyń oryndy talap tilekteri men narazylyǵyn týǵyzýy ábden múmkin.

Bıylǵy aqpan aıynyń 20 juldyzynda Aqtóbe oblysy aýmaǵyndaǵy «N-Tehservıs» kompanııasynyń aýysym qyzmetkerleri arasynda dál osyndaı jaǵdaı oryn aldy.

Naqtyraq aıtqanda dál osy kúni Temir aýdanyndaǵy Keńqııaq ken ornynda atalǵan kompanııa quramyndaǵy brıgada jumysshylary kezekti aýysymǵa shyqpaı qaldy. Osy jaǵdaıǵa baılanysty Keńqııaqqa shuǵyl attanǵan Aqtóbe oblysy ákiminiń orynbasary Qaırat Bekenov pen kompanııa dırektorynyń mindetin atqarýshy Van Ilın jáne eńbek ınspeksııasynyń ókilderi máseleniń mán-jaıyn anyqtaý kezinde onyń basty sebebi jalaqy mólsheriniń tómen ekendigi belgili boldy.

Osyǵan oraı atalǵan taraptar «N-Tehservıs» kompanııasynyń Beıjińdegi bas keńsesimen tıisti kelissózder júrgizýdi qajet dep tapty. Sonyń nátıjesinde tek bir aýysymnyń ǵana emes, sonymen birge mundaǵy vahtalyq ádispen jumys isteıtin barlyq qyzmetkerlerdiń jalaqysyn 33 paıyzǵa kóterý jóninde shuǵyl sheshim qabyldandy. Osy tusta budan 1-2 apta buryn «SNPC-Aqtóbe munaıgaz» AQ qurylymdaryna qarasty qyzmetkerlerdiń jalaqysy da joǵaryda kórsetilgendeı kólemde óskenin aıta ketken jón.

Taǵy bir jaǵymdy jáı Memleket Basshysy Qasym-Jomart Toqaevtyń tapsyrmasyna sáıkes, óńirde sheteldik kompanııalarda qyzmet etetin qazaqstandyq jumysshylardyń jalaqysyn kóterý, ony sheteldikterge tólenetin tólemdege sáıkes keltirý jóninde birqatar is-sharalar belgilengeni. Sondaı-aq taýarlar men qyzmetterdi satyp alýdaǵy qazaqstandyq qamtý úlesin kóterý isinde de oń ózgerister joq emes.

Servıstik kompanııalar tabysynyń ósýi, tek kómirsýtegi shıkizatyn óndirýge ǵana emes, kórsetiletin qyzmetter kólemine de baılanysty ekeni haq. Bul rette jerilikti atqarýshy organdar olarmen tarıfterdi kóterýge qatysty kelissózder júrgizýi de oń nátıjelerge bastap keledi. Iаǵnı aımaqta mundaı usynystar servıstik kompanııalar tarapynan qoldaý taýyp, bıylǵy 2020 jyldyń 1 naýryzynan bastap tarıfterdiń quny 10 paıyzǵa ulǵaıyp otyr. О́z kezeginde mundaı qadamdar munaı-gaz óndirisi salasynda jumys jasaıtyn qyzmetkerlerdiń jalaqysyn kóterý isine óz septigin tıgizbek. Sondaı-aq jýrnalıstik zertteýler men taldaýlar barysy aýmaqtaǵy ken oryndarynda jumysshylardy arnaıy kıim úlgilerimen jasaqtaý jáne olardy sapaly nárli de qunarly taǵam mázirlerimen qamtý jóninde de túıtkilder oryn alyp qalatynyn kórsetedi. Ony túbegeıli sheshýdiń basty bir kilti –ujymdyq sharttar bolyp otyr.  Iаǵnı aldaǵy ýaqytta bul máselede kásiporyndar men kásipodaq uıymdary basshylary arasynda qol qoıylatyn osyndaı qabyrǵalyq qujattar arqyly sheshý kózdelgen. Túpteı kelgende búgingi basty másele shetedik kompanııalardaǵy jumys kúshterin birtindep, satylap azaıtyp, olardyń ornyn qazaqstandyq kadrlermen almastyra berý bolmaq. Bul baǵytta mamandardy ósirý men qaıta ázirleýge qatysty máseleler aldyńǵy kezekke shyǵady. Sheteldik kompanııalar ókilderi júrgizetin isti qatań baqylaýǵa alýdyń qajettiligi de osynda deıdi Aqtóbe oblysy ákiminiń orynbasary Qaırat Bekenov.

Mine, joǵaryda kórsetilgen birqatar derekter men sandyq kórsetkisher oblysta munaı-gaz, ken jáne ózge de jerasty qazba baılyqtaryn ıgerý isi salasynda jumys jasaıtyn qyzsetkerlerdiń jalaqylaryn ósirý isinde biraz keshendi sharalardyń alynǵanyn aıǵaqtaıdy. Talas joq, munyń ózi óte jaǵymdy jáıt. Quptaýǵa da qýattaýǵa da ábden turarlyqtaı is. Áıtse de qazirgi kúni oblys turǵyndarynyń ortasha aılyq jalaqysynyń kólemi atalǵan salalardaǵy ósip jatqan jalaqy esebien jasalǵanyn jasyryp qalýdyń qandaı qajeti bar. Bul shyndyqty eshkim de joqqa shyǵara almaıdy. Tipten sonyń ózinde óńirdegi ortasha jalaqy deńgeıi respýblıkalyq ortasha kórsetkishten 16 paıyzǵa tómen bolyp otyr. Ras, óńirde ony ósirý jóninde birqatar jumystar atqarylǵan. Aldyńǵy jyldarmen salystyrǵanda belgili bir deńgeıdegi ósý kórsetkishteri de tirkelgen. Áıtse de soǵan qaramastan ázirgi aqtóbelikter ortasha jalaqy mólsheri jóninen elimizde toǵyzynshy orynda tur eken. Sondaı-aq oblystaǵy ortasha jalaqy mólsheri respýblıkanyń batys óńirleri arasyndaǵy eń tómengi kórsetkish ekeni qýanta qoımaıdy. Aqtóbe oblysynyń ákimi Ońdasyn Orazalın bıylǵy 2020 jyldyń 12 aqpany kúni turǵyndarǵa bergen esebi kezinde muny ashyq túrde málimdedi.

Árıne, óńrdegi ortasha jalaqy mólsheriniń respýblıkalyq ortasha esepten 16 paıyzǵa tómen bolýy, eki aradaǵy aıyrmashylyqtyń óte joǵary ekenin kórsetedi. Atalǵan sannyń ózi men mundalap ózi sóılep ózin kóterý kerektigin meńzep turǵandaı. Sondyqtan da búgingi kúni óńirdegi múddeli uıymdardyń basty nazary eń aldyńǵy kezekte jalaqy mólsherin kem degende respýblıkalyq ortasha kórsetkish deńgeıine jetkizýge aýdarylýy kerektigi aıqyn kórinedi. Kóńilge medeý tutarlyq jáıt oblysta buǵan aldaǵy 2025 jylǵa deıin jetý úshin tısti sharalar kesheni belgilengen. Ony júzege asyrýdyń basty tutqasy oblys turǵyndarynyń tabysyn ár jyl saıyn ósýin qamtamasyz etýge baǵyttalǵan.

Atalǵan is-sharalar kesheni qazirdiń ózinde bastalyp ketkeni úlken úmit týǵyzady. Bul baǵyttaǵy basty nazar mádenıet, halyqty áleýmettik qorǵaý jáne bastaýysh, negizgi, sondaı-aq jalpy orta bilim berý qyzmetkerleriniń jalaqylaryn orta eseppen 30 paıyzǵa ósirýe aýdarylǵan.

 

AQTО́BE oblysy  

Sońǵy jańalyqtar

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar