945kaz atty Word qujaty qosymsha retinde tirkelgen siltemeniń kúndelikti kelip túsetini jaıly ótinish «KZ-CERT»qyzmetine kelip tústi.
«KZ-CERT» sarapshylary júrgizgen analız nátıjesi boıynsha, silteme quramy AQ ınsıdentteriniń biri «zııandy belsendilik» túrinde saralandy.
Zııandy vırýstardyń Word qujaty retinde taralýy tań qalarlyq nárse emes jáne osy sııaqty AQ ınsıdentteri jıi kezdesedi. Alaıda osy qujattyń óz ereksheligi boldy, qujattaǵy vırýs kompıýterdi úshinshi ret qaıta júktegende ǵana taralatyn. Bul óz kezeginde vırýsqa qarsy baǵdarlamalardyń, ınsıdentti zertteý jumystaryn qıyndatady. Qysqasha aıtqanda, vırýs qosylǵannan keıin, kompterde negizgi zııandy baǵdarlamalyq qamsyzdandyrýdy ornalastyrýǵa kirisken. Onyń ústine, osy úrdis ózin-ózi anyqtaý barynsha qıyndatylǵan.
Kompterdiń úsh ret qaıta júktelgenine deıin (makrostardyń qujatta jandanǵan sátten bastap), zııandy baǵdarlamanyń qyzmeti bastalmaıdy.
Zııankesterdiń qaıta jańdaýdyń birneshe ret qaıtalanýyn paıdalanýdaǵy óz sebebi bar – avtomattandyrylǵan taldaý aıalary (qumsalǵysh) qaıta jandanǵannan keıin júrgiziletin sharalardy qadaǵalaı almaıdy. Saralaýdy qıyndatý úshin kandaı da bir kezeńde (birinshi qaıta júkteýden keıin), zııankester jańdaný sátti aıaqtalýdyń dáleli retinde belgili bir tizbeni shyǵarǵan. Zııankesterdiń basty qýlyǵy, osyndaı alǵashqy áreketterdi zııandy dep saralaý múmkindiginiń óte tómen bolýy.
Zııandy obektiniń basty qyzmeti, zııankesterdiń serverynan erkin kodty júktep, oryndaý. Sonymen qatar, anyqtaýǵa qarsy áreketterdiń arqasynda, zııankester serverdy avtomatty saralaýda anyqtalatyn shynaıy kodttardy jasyra alady.
Osyndaı áreketterge kýá bolyp otyrǵannan keıin, ınsıdentti óte zııandylar qataryna qosýǵa bolady. Sebebi, osy úlgi kez kelgen kodttardy oryndap, operasııalyq ózgerister jasaýǵa múmkindik beredi.
Qaýipsizdiktigińizdi qamtamasyz etý úshin «KZ-CERT» qyzmeti jańartylǵan antıvırýstyq baǵdarlamany ornatýǵa jáne qujattardy zııandy qaýip-qaterge tekserýdi avtomattandyrýǵa keńes beredi.
