Aımaqtar • 24 Aqpan, 2020

Maqamy máshhúr Mańǵystaý

220 retkórsetildi

Jeti qaıqy men belgili bes júı­riktiń eli – Mańǵystaý án men kúı, jyrda ózindik erek­she­­ligi bar óńir. О́lke óne­rin jı­naqtaý, urpaqqa nasıhattaý maq­satynda jeti jyl buryn Ánýar Bımaǵambet, Kenjebek Aıa­ǵanov, Aqylbek Tas­qara sekildi azamattardyń uıym­dastyrýymen «Maqamy másh­húr Mańǵystaý» ataýymen kúı­l­er antologııasy CD-dısk tú­­rinde jaryq kórip, jınaqqa Mań­­ǵystaýdyń buryn-sońdy beı­­málim 45 kúıi engen bolatyn.

Al 2016 jyly mádenıet basqar­ma­sy, oblystyq ǵylymı-ádis­te­me­lik qyzmet kórsetý orta­ly­ǵy­nyń qoldaýymen mańǵystaýlyq óner sheberleriniń antologııasy «Baba saryn babaýy» degen ataýmen tyń­dar­manǵa jol tartty.

Jaqsy is jalǵasyn taýyp, bıyl ól­keniń dástúrli mýzykalyq mura­laryn ónersúıer kópshilikke jet­ki­zý­di maqsat etken jańa joba «Rýhanı jań­ǵyrý» baǵdarlamasy aıasynda júzege asyryldy. Joǵaryda aı­tyl­­ǵan eńbekterdiń nasıhattaý aýqy­­my tarlyǵynan, sonyń ishinde dıs­­kilerdiń tırajyn kóbeıtýge aı­tar­­lyqtaı qarjy qajet bolýyna oraı máseleniń eń ońtaıly she­shimi Maqamsaz.kz saıtyn qurý bo­lyp tabylǵan. Iаǵnı, zamanaýı qajet­ti­lik. Repertýaryn qurý, IOS jáne an­droıd­qa arnalǵan mobıldi qosym­sha­syn jasaýǵa eki jyl ýaqyt jum­sal­ǵan saıt ataýy Maqamsaz.kz dep ata­lady.

Mańǵystaý oblysynyń má­den­ı­et, tilderdi damytý jáne arhıv isi basqarmasynyń tapsyrysy­men jasalǵan saıt repertýaryna bas-aıaǵy 180 shyǵarma engen. Osy óńir­diń mýzykalyq oryndaýshylyq mek­te­bine tán bul týyndylardyń deni kóp­shilikke beımálim desek qate­lesp­eımiz.

–  Repertýardaǵy shyǵarmalardyń sany 200-ge deıin jetkizilip, jyl saı­yn tolyqtyrylatyn bolady. Bul saıttyń bir ereksheligi – shy­ǵar­malardyń avtory, oryndaýshy­lary týraly tolyq málimet be­ril­edi. Sondaı-aq ár týyndynyń jar­yqqa shyǵý tarıhy men notasy ornalas­tyrylǵan, deıdi joba avtory Sul­tan­bek Qudaıbergen.

«Maqamy máshhúr Mańǵystaý» áýen­derin saıttan ne mobıldi qo­sym­­shadan tyńdap, nota arqyly úı­­renýge bolady. Maqamsaz.kz saı­tyn­daǵy týyndylardy án, kúı, jyr-terme jáne jyr kúıi dep atalatyn tórt bólimnen kóre alasyz. Olardyń kúıtabaq, magnıtafon kassetasyna jazylǵan nusqalary halyq arasynan jınalyp, sıfrly taza­laýdan ótken soń saıtqa sa­lyn­ǵan. Joba avtorlarynyń aıtýyn­sha, dástúrli mýzykany notaǵa túsirýge mashyqtanǵan mamandar – mań­ǵys­taýlyq dáýlesker kúıshi­ler Aıt­bergen Jańbyrshy, Aıdar­bek Oń­aıb­aev, Jumabek Qadyr­qu­lov­tar­dyń eńbegi zor.

– Esimi atalǵan azamattar bul týyn­dylardy birneshe kún tyńdap, nota­ǵa túsirdi. Mańǵystaýdyń mýzy­ka­lyq muralarynyń da noqtaǵa da, notaǵa da basy syımaıtyn kishkene «tarpańdaý minezi» bar. Sondyqtan bul eńbekti jasaý biraz ýaqytty aldy. «Tiriniń mereıi, óliniń úreıi» úshin dep sharýany birlese atqaryp shyqtyq. Áli de alda jasalar jumys kóp, – dedi S.Qudaıbergen.

Atalǵan jobada 50 avtor, 60 oryn­daýshy qamtylǵan. Sonyń ishinde tyńdarman munda ári avtor ári oryndaýshy retinde Be­gen­­dikuly Súgir jyraýdyń, Uz­aq­­b­aı jyraý Qazjandyuly, Ál­qýat Qojabergenuly, Shamǵul Ybyraıym­uly, Qaraǵul Qonashuly­nyń daýysyn estı alady.

Joba avtorlary aldaǵy ýaqytta mań­ǵystaýlyq ónerpazdardyń jyr­shy­lyq-oryndaýshylyq sheber­li­gi týraly oqý-ádistemelik qural shy­­ǵarýdy qolǵa almaqshy. Bul ba­­ǵyttaǵy jumystar aıaqtalǵan soń jyrshylar mektebin quryp, jo­ǵa­ry­da sóz bolǵan oqý-ádistemelik qural arqyly óskeleń urpaqqa rýhanı tárbıe berý sharalary jos­parda tur.

 

Mańǵystaý oblysy

 

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar