Parlament • 24 Aqpan, 2020

Qyzylorda oblysynyń jetistikteri tanystyryldy

443 retkórsetildi

Senatta Aımaqtar kúnderi aıasynda Qyzylorda oblysy tanystyryldy, onda óńirdiń áleýmettik-ekonomıkalyq damý jetistikteri kórsetildi, dep habarlady Senattyń baspasóz qyzmeti.

Is-shara aıasynda jeńil ónerkásip pen shaǵyn jáne orta bıznes ónimderiniń, ınnovasııalyq jobalardyń, sondaı-aq aımaqtyń damý kezeńderin kórsetetin tarıhı-arheologııalyq eksponattardyń kórmesi uıymdastyryldy.

Senat tóraǵasy Darıǵa Nazarbaeva otyrysty asha kelip, aımaq kúnderin ótkizýdiń maqsaty memlekettik jáne óńirlik baǵdarlamalardyń júzege asý barysyn zerdeleý, halyqty tolǵandyratyn aqparattarmen tanysý jáne olardy sheshý jónindegi jergilikti bılik ókilderiniń sharalaryna taldaý jasaý ekenin atap ótti.

Qyzylorda oblysy ákiminiń orynbasary Baqyt Jaqanov depýtattar aldynda baıandama jasady. Ol óz sózinde oblystyń ekonomıkasy, agroónerkásip kesheni jáne shaǵyn bıznes, qurylys, turǵyn úı-kommýnaldyq sharýashylyq, kólik, bilim berý, densaýlyq saqtaý, áleý­mettik qamtamasyz etý salalar­yn­daǵy atqarylǵan jumystarǵa toqtaldy.

B.Jaqanovtyń aıtýynsha, sońǵy 5 jylda óńir ekonomıkasyna 1,5 trln teńge ınvestısııa tartyldy, 3 mln shar­shy metrden astam turǵyn úı paıda­lanýǵa berildi. «О́ńdeý ónerkásibinde 600 mlrd teńgeniń ónimi, al aýyl sha­rýashylyǵynda 500 mlrd teńgeniń ónimi óndirildi. Osy kezeńde 65 myńnan astam jańa jumys orny ashyldy, onyń
55 myńy turaqty jumys oryndary bolyp tabylady», dedi ol.

Depýtattar talqylaý barysynda óńirlerden túsetin strategııalyq máli­met­ter men aqparattardyń sapasyna nazar aýdardy, sondaı-aq memle­kettik baǵ­darlamalardy ázirleýge ákim­dik­terdiń belsendi qatysýy qajettigin atap ótti.

«Eger jergilikti bılik zańdaǵy kem­shi­likter týraly ýaqytynda habarlasa, onda jumys nátıjeli bolady. Baǵdar­lamalar olardyń maqsattary men min­detterimen ózara baılanysty bolýy tıis», dedi ol.

Senatorlardyń pikirinshe, salalyq mınıstrlikter óz kezeginde mańyzdy qujattardy qabyldaý kezinde oblystyq strategııalyq jáne bıýdjettik josparlaý departamentterin keńinen tartý qajet.

D.Nazarbaeva respýblıkalyq jáne ob­lystyq mekemelerdiń ózara tyǵyz is-qımyl jasaýy jónindegi basta­maǵa qoldaý bildirdi jáne bir óńirdegi bir-birin qaıtalaıtyn damý baǵdar­la­malaryn joıý qajettigine erekshe nazar aýdardy jáne ol iske asyrý barysy men esep-qı­sap­ty shatastyrýǵa ákelip soǵatyny aı­tyldy.

Depýtat Nurlan Beknazarov talqylaý barysynda áleýmettik salaǵa qatysty, atap aıtqanda kóp balaly jáne az qamtylǵan otbasylarǵa múliktik kómek berýdiń sapasy men uıymdastyrylýy týraly máselelerdi kóterdi. Depýtattar, sonymen qatar Baıqońyr qalasynyń keıbir mektepterinde qazaq tili men qa­zaq ádebıetin oqytýǵa tıisti kóńil bó­lin­beıtindigine alańdaýshylyq bildirdi já­ne bul máseleniń túlekterdiń oqýǵa tú­ser kezinde keri áseri bolatynyn aıtty.

Depýtat Erik Sultanov Qorqyt ata áýejaıyndaǵy jańa jolaýshylar termınalynyń qurylysy týraly surady. Baqyt Jaqanov qazirgi ýaqytta jobanyń quny 14 mlrd teńgeden aspaıtyndaı etip qaıta qaralatynyn, áıtpese bul oblys úshin tıimsiz ekenin aıtty.

Darıǵa Nazarbaeva óz kezeginde ákim orynbasaryna qurylys sapasyna nazar aýdarý týraly keńes berdi. «Biz bárimiz, depýtattar, Qyzylordada jańa áýejaı salý ıdeıasyn qoldaımyz. Tek jobaǵa, onyń esep-qısabyna óte muqııat qaraý kerek. Saraptama bolýy kerek jáne baǵa men sapanyń arasy teń bolýy tıis. Únemdeý kerek eken dep únemdeı berýdiń keregi joq. Bir jyldan keıin shashylyp qalmaý úshin sapaly etip bir-aq ret salý kerek», dedi D.Nazarbaeva.

Darıǵa Nazarbaeva sóz sońynda jergilikti bıýdjettiń oryndalýyn baqylaý jáne oblystyq tekserý komıs­sııalarynyń róli máselesine toqtaldy. «Jergilikti bıýdjetter ul­ǵaıý­da, tek tekserý komıssııalary ǵana shyǵyndardyń tıimdiligin qadaǵa­laýy tıis. Osy komıssııalardyń zańna­malyq bazasyn taǵy da tekserip, olar­dyń qyzmet sapasyn jaqsartý boıynsha usynystar ázirleý, sondaı-aq aqparattyń shynaıylyǵy men sapasyna komıssııa músheleriniń jaýapkershiligin arttyrý jóninde ereje engizý kerek», dedi D.Nazarbaeva.

Darıǵa Nazarbaeva kezdesýdi qory­tyn­dylaı kelip, basqa oblystardyń áleýmettik-ekonomıkalyq máselelerin talqylaý kezinde aımaqtar kúnderiniń aıasynda jumystar odan ári jalǵasatynyn atap ótti.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar