Sport • 24 Aqpan, 2020

Jarysty 8 júldemen aıaqtady

69 retkórsetildi

Nıý-Delıde (Úndistan) kúres túrle­rinen ótip jatqan Azııa chempıonatynda áıelder arasyndaǵy báseke aıaq­tal­dy. Qazaqstannyń burymdy balýandary jarysty 2 altyn, 1 kúmis, 5 qo­la júldemen qorytyndylady.

Fınaldyq básekede jeńiske jetken 53 kılodaǵy Tatıana Ahmetova men 72 kılo salmaqta beldesken Jámıla Baqbergenova el qorjynyna altyn júlde salsa, 62 kıloda synǵa túsken Aıaýlym Qasymova kúmis enshiledi. Jalpy áıelder arasyndaǵy úsh salmaqtyń fınaly qazaq-japon balýandarynyń arasynda órbidi. Ahmetova eki dúrkin álem chempıony Maıý Mýkaıden basym tússe, Baqbergenova Meı Shındomen keskilesken beldesýde 2-1 esebi­men jeńip, Azııa chempıony atandy. Fınalda beldes­­ken taǵy bir otandasymyz Aıaý­lym Qasymova (62 kg) kúnshyǵys eliniń ókili Iýkako Kavaıge ese jiberip, kúmis medal ıelendi. 

Al 50 kıloda beldesken Valentına Isla­mova jáne Mádına Baqbergenova (59 kg), Marına Zýeva (55 kg), Elmıra Syzdyqova Azııa birinshiliginde qola júldegeri atandy. Osylaısha Qazaqstan áıelder quramasy chempıonatty jalpykomandalyq esepte medal sany boıynsha 3-orynmen aıaqtady.

 

Sońǵy jańalyqtar

Uqsas jańalyqtar