Saıasat • 24 Aqpan, 2020

Negizgi uǵymdar júıelenedi

48 retkórsetildi

Qazirgi tańda qoǵamda «Qazaqstan Respýblıka­syndaǵy beıbit kezdesýlerdi uıymdastyrý jáne ótkizý tártibi týraly» zań jobasynyń tujy­rymdamasy qyzý talqylanyp jatyr. Buǵan biz de belsendi aralasyp, sarapshylardyń arnaıy basyn qosyp, jańadan qabyldanatyn zańǵa qatysty pikir-usynystarymyz­dy bildirdik. О́z oıymyzdy ǵana ortaǵa salyp qoımaı, kópshiliktiń únine de nazar aýdaryp, suraqtaryna jaýap berdik. Bul úshin bizdiń jıyn áleýmettik jeliler arqyly tikeleı efırde kórsetildi. Ony 3 myńnan asa adam tamashalap, 200-den asa azamat pikirlerin jazyp, saýaldaryn joldady.

Jalpy, mıtıng týraly zań qabyldanbastan buryn, onyń tujyrymdamasy halyq arasynda osylaı keńinen talqylanǵany durys dep sanaımyn. Osylaısha jańa zańǵa qatysty kópshiliktiń kóterip júrgen máselelerinen barynsha habardar bolamyz. Bul atalǵan zańda azamattardyń pikirlerin eskerýge septigin tıgizedi.

Jańa zań beıbit jınalystardy uıymdastyrý­shylardyń, qatysýshylardyń jáne baqylaýshylardyń márte­besin anyqtaıdy. Buǵan qosa zańda jýrnalıs­terdiń quqyqtary men mindetteri de jazylady. Mıtıng ótkizýdiń tártibin retteıtin zań osynysymen mańyzdy.

Mıtıng degen – azamattardyń bılikke óz talap-tilegin jetkizýdiń quraly. Bul quraldy tıimdi paıda­lanýdy retteý úshin jańa zań qabyldaý qajet. О́ıtkeni qoǵam ózgergenin, soǵan sáıkes jańa talaptarǵa jaýap bere almaıtyn burynǵy zańnyń eskirgenin ýaqyt kórsetip otyr. Ári mıtıng týraly zań azamattyq qoǵamǵa bastaıdy. Búginde kóshege shyqpasa da, áleýmettik jeliler arqyly kókeıkesti máseleler kóterip júrgen azamattar barshylyq. Jáne olardyń tóńiregine toptasqan adamdar da bar. Ondaı belsendilerdiń jelidegi ótkir syn-eskertpeleriniń bári jetetin jerine jetip, eskerilip jatyr. Sondyqtan bizge qur emosııaǵa salmaı, oıymyzdy salmaqty, baıypty jetkizýimiz kerek. Atalǵan zań osyndaı máselelerdi júıeleıdi. Bul zańnyń qajet ekenin jáne tezirek qabyldanǵanyn halyq ta, bılik te túsinip otyr.

 

Murat ÁBENOV,

qoǵam qaıratkeri, Ulttyq qoǵamdyq senim keńesiniń múshesi

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar