Abaı • 24 Aqpan, 2020

Qyzdar ýnıversıtetinde Abaıǵa arnalǵan ádebı baıqaý ótti

68 retkórsetildi

«Rýhanı jańǵyrý» baǵdarlamasy men Abaı Qunanbaıulynyń 175 jyldyǵyna oraı Qazaq ulttyq qyzdar pedagogıkalyq ýnıversıtetinde «Júregimniń túbine tereń boıla...» atty ádebı baıqaý márege jetti. Bul týraly oqý ornynyń baspasóz qyzmeti habarlady.

Ýnıversıtettiń Ǵylymı kitaphanasynda ótken taǵylymdy sharanyń mańyzy nede? Onyń óskeleń urpaq úshin beretin qandaı tárbıelik máni bar? Baıqaý ultymyzdyń uly aqynynyń ulaǵatyn ulyqtaýǵa qanshalyqty uıytqy boldy?

Bul saýaldarǵa jaýapty kesh barysynda uıymdastyrylǵan saıys pen abaıtanýshy ǵalymdardyń áserli áńgimeleri jáne jastar qoıǵan tanymdyq konsert naqty jaýap berdi.

Atap aıtqanda, shara aıasynda Qyzdar ýnıversıteti men T. Júrgenov atyndaǵy Qazaq ulttyq óner akademııasynyń stýdentteri adamzattyń aqylmanyna aınalǵan kemeńgerdiń ómirsheń óleńderi men qara sózderin jatqa oqýdan ózara úzdikti anyqtap, áserli ánderin naqyshyna keltire oryndady.

Ádebıet súıer jastardyń ónerin belgili abaıtanýshy ǵalymdar men ádebıet salasynyń maıtalmandarynan quralǵan qazylar alqasy baǵalady. Olardyń qatarynda Abaı atyndaǵy Qazaq ulttyq pedagogıkalyq ýnıversıtetiniń «Hákim Abaı» ǵylymı-zertteý ortalyǵynyń dırektory Jabal Shoıynbet, Ǵylymı kitaphana dırektory Baqytjamal Baǵasharova jáne ózge de azamattar bar.

– Abaı – qoǵamǵa shamshyraq. Dala danyshpanynyń shyǵarmalary osydan ǵasyr buryn jazylsa da onyń máni men mańyzy, taǵylymy men tálimi áli kúnge deıin óte ózekti. Mine, sonysymen de ol qundy, baǵa jetpes qazyna. 21 aqpan kúni Qyzdar ýnıversıtetinde ótken ádebı baıqaýda Qunanbaıulynyń asyl muralary keńinen nasıhattalyp, jas aqyndar arasynda jyr saıysy da uıymdastyryldy. Sonymen qatar shara barysynda ulttyq oıynymyzdyń biri – toǵyzqumalaqtan ta jarys ótti, – deıdi uıymdastyrýshylar.

Dala danyshpanynyń mereıtoıyna oraı uıymdastyrylǵan saıysta «júzden – júırik, myńnan – tulpar» shyqqandar marapattaldy.

 

ALMATY

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar