Aımaqtar • 24 Aqpan, 2020

«Vivid creation» jobasy aıasynda stýdent dızaınerlerdiń shyǵarmashalyq jumystary qoıyldy

170 ret kórsetildi

Almaty Tehnologııalyq ýnıversıteti «Vivid creation» jańa shyǵarmashylyq jobasyn tanystyrdy. Osy joba aıasynda  uıymdastyrylǵan kórmede  Sán dızaıny jáne grafıkalyq dızaın mamandyǵyndaǵy 1, 2, 3, 4 kýrs stýdentteriniń 50-den astam jumystary qoıyldy.

Atalǵan joba stýdent jastardyń ıedıalary men shyǵarmashylyq izdenisterine qoldaý bildire otyryp, aldaǵy ýaqytta jas dızaınerlerdi óz jolyn tabýyna, olardyń jumystaryna qoldaý kórsetýdi maqsat etedi.

«Vivid creation» jobasy shyǵarmashylyq erkindikke jol ashady. Joba stýdentterdiń shyǵarmashylyq kórmelerin uıymdastyryp, kez kelgen shyǵarmashylyq jobalardy tanystyrýǵa negizdelgen. Joba jańa býyn shyǵarmashylyǵyn nasıhattaıdy ári ýaqyt talabyna qaraı dástúrli kásibı tájirıbeni jalǵastyra otyryp, damytýǵa múmkindik beredi. 

1

Joba jetekshileri A.Tataeva jáne A.Aldanaeva  «Vivid creation»  jobasynyń jeke shyǵarmashylyq tulǵalardyń óner álemin dúnıe júzine nasıhattaýǵa múmkindik beretindigin aıtady. Jas talanttar úshin mundaı kórmelerdiń shyǵarmashylyq kezeńderden ótýdegi mańyzy zor. Onyń barysynda jas sýretshiler men dızaınerler shyǵarmashylyqtaryn nasıhattaı otyryp, tájirıbe jınaýǵa múmkindik alady. Ýnıversıtet qabyrǵasynda bilim alyp júrgen kez kelgen stýdent talantty.

Bul joba osy stýdentter úshin shyǵarmashylyqtaǵy alǵashqy qadam bolyp tabylady ári bul kórme olardy ary qaraı úıretýge, oqytýǵa keńinen múmkindik beredi. Uıymdastyrýshylardyń aıtýynsha,  keıbir stýdentter óziniń boıyndaǵy erekshe qabiletti baıqap jatpaıdy. Osy oraıda bilikti mamandardyń yqpaly zor.  Oqý barysynda jeke-jeke baspaldaqtardan ótetin stýdentter klassıkalyq bilim berý kezeńderinen ótedi. Erekshe avtorlyq baǵdarlamalar dızaınerlik mamandyqtar boıynsha qajetti bilimmen qamtamasyz etedi. Sýretshiler, dızaınerler, joǵary sanatty ustazdardan turatyn oqytýshylar quramy árbir stýdentke jeke baǵdar berip qana qoımaı, shyǵarmashylyq ahýaldy damytýǵa yqpal etedi.

2

«Vivid creation» jobasyna qatysýshylar úshin jas mólsherine shekteý qoıylmaıdy.  «Vivid creation» - ónerde jańa esimderdiń tanylýyna birden-bir jol.

 

ALMATY

Sońǵy jańalyqtar

Alystan jetken alǵys

Aımaqtar • Búgin, 14:10

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar