Aımaqtar • 24 Aqpan, 2020

O. Orazalın: Prezıdenttik jastar kadr rezervinen iriktelgen mamandarǵa artylǵan senim mol

94 retkórsetildi

Aqtóbe oblysynyń ákimi Ońdasyn Orazalın Prezıdenttik jastar kadr rezervinen iriktelgen mamandarmen jıyn ótkizdi. Bul týraly Aqtóbe oblysy ákiminiń baspasóz qyzmeti habarlady

Basqosýǵa apparat basshysy Nurjaýǵan Qalaýov, Mártók aýdanynyń ákimi Ermek Kenjehanuly, kásipkerlik basqarmasynyń basshysy Qaırat Raıymqulov, ekonomıka jáne bıýdjetti josparlaý basqarmasy basshysynyń orynbasary Nurjan Maqsatov, «AQTOBE HUB» óńirlik damý ortalyǵy korporatıvtik qory» AQ-nyń dırektorynyń orynbasary Ánýar Nurtazın jáne t.b Prezıdenttik jastar kadr rezervinen ótip, laýazymdy qyzmetterge taǵaıyndalǵan mamandar qatysty.

«Prezıdent Qasym-Jomart Toqaev memlekettik basqarý júıesine merıtokratııa negizinde tek laıyqty, bilimdi adamdar kelýleri kerek. Kadrlar irikteýde basqa qaǵıdat bolmaýy tıis.Tutastaı alǵanda, bizge bıliktiń halyq aldyndaǵy jaýapkershiligin arttyrý qajet,-degen bolatyn. Osy tusta sizderge aıtarym ár qyzmettiń qıyndyǵy men talaby bolady. Qandaı dárejege bolmasyn adam eńbektenýdiń arqasynda jetedi. Tájirıbemen qatar, jeke qasıettermen de erekeshelenýi mańyzdy», dep atap ótti oblys ákimi.

Aqtóbe oblysy ákiminiń apparat basshysy Nurjaýǵan Qalaýov óńirdegi memlekettik qyzmettiń jaı-kúıine toqtaldy. Oblys, qala jáne aýdan ákimdikteriniń basshylyq laýazymdaryna «Mansaptyq josparlaý kartasy» ázirlengen. О́tken jyldyń qorytyndysy boıynsha jergilikti atqarýshy organdardyń jalpy jasaqtalýy 94,8% quraǵan.О́z kezeginde bul óńirdegi memlekettik qyzmettiń tartymdylyǵyn kórsetýde.

Sondaı-aq elge qyzmet jasaýdyń jaýapkershiligi men talaptaryna toqtalǵan aımaq basshysy jastardan jańashyldyq, ózgeshe jobalar kútetindigin jetkizdi.

Jıyn barysynda «AQTOBE HUB» óńirlik damý ortalyǵy korporatıvtik qory» AQ-nyń dırektorynyń orynbasary Ánýar Nurtazın qorshaǵan ortany kógaldandyrý, avtokólik joldary men elektrondyq qoǵamdyq kólik salasyn damytýǵa qatysty jobalarymen tanystyrdy. Oblys ákimi atalǵan usynysty birneshe aýdandarda pılottyq joba retinde júzege asyrýyǵa bolatyndyǵyn aıtty. Aımaq basshysynyń Prezıdenttik jastar kadr rezervinen iriktelgen mamandarmen bul ekinshi ret kezdesýi ekendigin aıtyp óteıik.

Sońǵy jańalyqtar

Sımptomsyz sybaılastyq

Qoǵam • Keshe

Uqsas jańalyqtar