Batys Qazaqstan oblysyndaǵy «Aqsaı elevatory» JShS dırektory I.Shýdabaev qamaýǵa alyndy. Bul týraly oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmeti habarlady.
Batys Qazaqstan oblysyndaǵy «Aqsaı elevatory» JShS dırektory I.Shýdabaev qamaýǵa alyndy. Bul týraly oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmeti habarlady.
Departament baspasóz qyzmetiniń aqpary boıynsha, I.Shýdabaev 2009-2012 jyldar aralyǵynda seriktestikte ýaqytsha saqtaýda turǵan «Azyq-túlik kelisimshart korporasııasy UK» AQ-ǵa tıesili azyqtyq bıdaı dánderi túrindegi bıýdjettik qarajatty qymqyrǵan.
Aýyl sharýashylyǵy mınıstrligi Batys Qazaqstan aımaqtyq ınspeksııasy mamandaryn tartý arqyly júrgizilgen tekserý barysynda elevatordaǵy dánderdi saqtaýǵa arnalǵan ydystar aǵashtan jasalǵan jasandy bógeýlermen jabdyqtalǵany jáne ydystar tolyp turǵandaı etip kórsetý maqsatynda aǵashtardyń ústine az mólsherde bıdaı salynyp qoıylǵany anyqtaldy. Jetpeıtin azyqtyq bıdaıdyń kólemi jalpy somasy 854,1 mln. teńgeden astam turatyn 19 myń tonnany qurady. Jasalǵan kelisimshartqa sáıkes elevatorda 47,0 myń tonna kólemindegi bıdaı saqtalýy tıis edi.
Kásiporyn dırektory I.Shýdabaev kinásin moıyndap, «Aqsaı elevatory» JShS-niń jalǵyz quryltaıshysy, marqum S.V.Ochkasovtyń nusqaýy boıynsha onyń jáne kásiporynnyń muqtajy úshin áreket etkenin málimdedi.
Qazir osy oqıǵaǵa baılanysty tergeý amaldary júrip jatyr.
Sultan Bozaıǵyr.
