Tamyzdyń 13-i kúni Astanada bolyp ótken shaıbaly hokkeıden Qazaqstan Respýblıkasy Kýbogy jolyndaǵy fınaldyq oıynda Reseıdiń Hanty-Mansıısk qalasynyń «Iýgra» komandasyn 4:3 esebimen utqan jergilikti «Barys» klýby bas báıgeni jeńip aldy.
Tamyzdyń 13-i kúni Astanada bolyp ótken shaıbaly hokkeıden Qazaqstan Respýblıkasy Kýbogy jolyndaǵy fınaldyq oıynda Reseıdiń Hanty-Mansıısk qalasynyń «Iýgra» komandasyn 4:3 esebimen utqan jergilikti «Barys» klýby bas báıgeni jeńip aldy.
Kezdesýdiń birinshi taımynda esep ashqan qonaqtar shabýylshysy Artem Býlıanskııdiń golyna astanalyq Dmıtrıı Ýpper jaýap berdi. Ekinshi kezeńde reseılikter Andreı Shefer men Evgenıı Hvostovtyń salǵan shaıbalary arqasynda alǵa shyǵyp ketti. Bul aralyqta barystyqtar Roman Starchenkonyń nátıjeli shabýylymen bir shaıbanyń qarymtasyn qaıtaryp úlgerdi.
Qonaqtar osylaısha úshinshi kezeńdi bir gol aıyrmasymen (3:2) bastady. Degenmen, sheshýshi sátte jınaqy oıyn kórsetken astanalyqtar jaýapsyz eki shaıba soǵyp, qorytyndyda jeńisti qamtamasyz ete bildi. Jerlesterimizden bul goldardy Roman Starchenko men Andreı Gavrılın óz esepterine jazdy.
Osynyń aldynda týrnırdegi úshinshi oryn úshin shaıqas bolyp, onda Podolskiniń «Vıtıaz» komandasy Habarovskiniń «Amýryn» jeńdi.
Damır QOJAMQUL.
