Ne túlen túrtkeni belgisiz, oblystyq ákimdikke qarasty bir basqarmanyń bildeı bas mamany shimirikpesten alaıaqtyq jasaýǵa barypty. Ol úsh sybaılasymen tender ótkizetin konkýrstyq komıssııa músheleriniń elektrondy sandyq qoldaryn urlaýǵa qatysqan. Bul faktini Atyraý oblystyq ishki ister departamenti qylmystyq polısııasynyń qyzmetkerleri «Kontrafakt» jedel aldyn alý sharasy barysynda anyqtap otyr.
Ne túlen túrtkeni belgisiz, oblystyq ákimdikke qarasty bir basqarmanyń bildeı bas mamany shimirikpesten alaıaqtyq jasaýǵa barypty. Ol úsh sybaılasymen tender ótkizetin konkýrstyq komıssııa músheleriniń elektrondy sandyq qoldaryn urlaýǵa qatysqan. Bul faktini Atyraý oblystyq ishki ister departamenti qylmystyq polısııasynyń qyzmetkerleri «Kontrafakt» jedel aldyn alý sharasy barysynda anyqtap otyr.
Konkýrstyq komıssııa músheleriniń elektrondy sandyq qoldary oblystyq basqarmalardyń biriniń kompıýterinen urlanǵan. Elektrondy sandyq qoldar memlekettik satyp alýlar jónindegi www.goszakup.gov.kz saıtyna zańsyz kirýge, sonymen birge, aldaǵy ýaqytta jeńimpaz bolyp jarııalanatyn JShS-niń biriniń memlekettik satyp alýlar konkýrsyna qatysýyna ruqsat etetin hattamaǵa qol qoıý úshin paıdalanylǵan.
– Atalǵan qylmys boıynsha tórt kúdikti ustaldy. Olardyń biri oblys ákimdiginiń urlyq jasalǵan basqarmasynyń qyzmetkeri, ózi konkýrstyq komıssııanyń múshesi. Qalǵan úsh kúdikti memlekettik mekemelerge kompıýterlik jabdyqtarmen qyzmet kórsetýge mamandandyrylǵan AQ fılıaldarynyń biriniń qyzmetkerleri. Atalǵan fakt boıynsha QR QK 325-babynyń 2-tarmaǵy jáne QR QK 227-babynda kózdelgen 2-tarmaǵymen qylmystyq is qozǵaldy, –dep habarlady oblystyq ishki ister departamenti baspasóz qyzmetiniń jetekshisi Gúlnazıra Muhtarova.
Tergeý boljamy boıynsha, aldaǵy ýaqytta jeńiske jetken kompanııa qylmysty jasaǵan topqa alǵys retinde tenderge bólingen quraldardyń qunynyń paıyzyn tólemek bolǵany anyqtaldy.
Joldasbek ShО́PEǴUL,
«Egemen Qazaqstan».
Atyraý oblysy.
