Álem • 24 Aqpan, 2020

Koronavırýs: Qytaı aınalymdaǵy aqshany zararsyzdandyrady

90 ret kórsetildi

Qytaıdyń ortalyq banki koronavırýs oshaǵy bolǵan aımaqtarda aınalymda júrgen aqshany dezınfeksııalaıtynyn málimdegen.

Qytaı bıligi jyl basynan bastap 2500-den astam adamnyń ómirin alǵan koronavırýstyń jańa túrimen kúresip keledi. 

Gýanchjoýdaǵy Qytaıdyń ortalyq banki indet taralǵan aımaqtardyń aýrýhana, qoǵamdyq kólik pen bazarlarynda aınalymda júrgen aqshanyń biraz bóligi joıylatynyn habarlaǵan. Al ózge óńirlerden alynǵan aqsha Ortalyq bankte dezınfeksııadan ótip, 14 kúnge deıin karantınde bolady. Bankter ıýan kýpıýralaryn dezınfeksııalaý úshin ýltrakúlgin sáýlesi men joǵary temperatýrany qoldanady. 

Degenmen, vırýs janýarlarda ómirsheń bolǵanymen zattarda uzaq saqtalmaıtyny týraly osyǵan deıin  Qytaıdan poshtamen keletin taýarlarǵa qatysty aıtylǵan edi. 

Qytaıdyń ulttyq densaýlyq saqtaý komıssııasy elde áli de 50 myńǵa jýyq adam indetke shaldyqqanyn, onyń 10 myńǵa jýyǵy aýyr hálde ekenin aıtty.

Qytaıda adam kóp shoǵyrlanatyn oıyn-saýyq ortalyqtary, qoǵamdyq oryndar men dúkenderde arnaıy top kireberiste kelýshilerdiń temperatýrasyn ólshep, spırti bar suıyqtyqpen qoldaryn dezınfeksııalaýdy usynady.  

 

  

 

 

Sońǵy jańalyqtar

Alystan jetken alǵys

Aımaqtar • Búgin, 14:10

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar