Rýhanııat • 24 Aqpan, 2020

Almatylyq ustaz ulttyq qundylyqtardy ulyqtaýdyń tyń ádisin jasady

199 retkórsetildi

Qazaq ulttyq qyzdar pedagogıkalyq ýnıversıtetiniń aǵa oqytýshysy Uljan Alashabaeva qazaqtyń ulttyq mádenıetin saqtaýǵa jáne damytýǵa baǵyttalǵan jobany júzege asyrýda.

Sondaı-aq onyń qanatqaqty ıdeıasy kórý qabileti nashar jáne soqyr balalardyń tanym kókjıegin arttyrý arqyly qoǵamǵa beıimdelýine baǵyttalǵan.

Qyzdar ýnıversıteti oqytýshysynyń jobasy QR Tuńǵysh Prezıdenti – Elbasy Qory men Qazaqstannyń isker áıelder qaýymdastyǵy uıymdastyrǵan «Qaıyrymdylyq kerýeni» respýblıkalyq konkýrsynda úzdik dep tanyldy.

«Asar» nomınasııasy boıynsha úzdik atanǵan Uljan Alashabaevaǵa jarystyń eń joǵary nagradasy – birinshi dárjeli medaldi Qazaqstan Respýblıkasy Parlamenti Senatynyń tóraıymy, atalǵan Qordyń dırektory Darıǵa Nazarbaeva tabystady.

Ekinshi jyl qatarynan uıymdastyrylyp kele jatqan jobanyń maqsaty – qaıyrymdylyq ıdeıalaryn keńinen dáripteý, belsendi azamattyq bastamalardy damytý.

Uıymdastyrýshylardyń aıtýynsha, baıqaýǵa respýblıka boıynsha batyl, qaıyrymdy, jigerli jandar qatysty. Byltyr tamyz aıynan bastap elimizdiń barlyq óńirinde osyndaı adamdardy anyqtaý jáne irikteý jumystary júrgizilgen. Osymen ekinshi jyl qatarynan ótkizilip otyrǵan baıqaýǵa qatysýshylar áleýmettik, qoǵamdyq problemalardy sheshýge ári jomarttyǵymen basqalardy meıirimdilikke yntalandyrýǵa úles qosyp júrgen azamattar.

1

Jıyn barysynda Darıǵa Nazarbaeva baıqaýdyń mańyzdylyǵyn atap ótip, qaıyrymdylyq, meıirimdilik, janashyrlyq sııaqty qundylyqtar qashanda halqymyzǵa tán qasıetter ekendigin tilge tıek etti.

– Baıqaý jeńimpazdaryn izdeý barysynda bizdiń jobanyń jumys toby san túrli ǵajap adamdarmen kezdesti. Olardyń arasynda kásipker-mesenat, úkimettik emes uıym ókilderi, muǵalimder, fermerler, dárigerler, zeınetkerler, stýdentter jáne tipti, mektep oqýshylary bar. Jyl sanap saıysqa qatysýshylardyń qatary artyp kele jatqanyna óte qýanyshtymyz. Eger alǵashqy «Qaıyrymdylyq kerýeni» baıqaýyna 97 qatysýshy qatyssa, búginde 231 adam baq synap otyr. Bárińizge nemquraıly bolmaı, patrıotızm, jaýapkershilik pen meıirimdilik tanytqandaryńyz úshin alǵys aıtqym keledi. Sizderdiń árqaısylaryńyz bizge, ásirese jas urpaqqa úlgi-ónegesizder! – dedi Darıǵa Nazarbaeva.

Aıta keteıik, jobany qorytyndylaý barysynda bes nomınasııa boıynsha konkýrs jeńimpazdarynyń esimderi jarııalanyp, olarǵa I, II jáne III dárejeli medaldar, sondaı-aq «Oqjetpes» shıpajaıyna joldamalar men aqparattyq seriktester «Habar» agenttigi men «KTK» telearnasynyń syılyqtary  tapsyryldy.

 

Jandar ASAN,

Qazaq ulttyq qyzdar pedagogıkalyq ýnıversıtetiniń

baspasóz jáne qoǵammen baılanys bóliminiń basshysy

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar