«Elbasy Nursultan Nazarbaevtyń tapsyrmasyna sáıkes biz 2019 ben 2022 jyl aralyǵynda 100 sporttyq-saýyqtyrý keshenin salýymyz kerek. Osy maqsatta ótken jyldyń 25 qazanynda Mınıstrlik qurylysy bastalatyn nysyndardyń tizimin jasady. Jospar boıynsha 2019 jyly - 13, 2020 jyly -32, 2021 jyly - 55 keshen salynady. Atalǵan joba aıasynda jyldy qorytyndylaı kele, óńirlerdegi bıýdjet pen demeýshiler qarjysyna turǵyzylǵan 13 jáne atalǵan jospardan bólek qosymsha 21 sporttyq-saýyqtyrý kesheni paıdalanýǵa berildi.
Sondaı-aq «Aýyl – el besigi» baǵdarlamasy aıasynda respýblıkalyq bıýdjetten qarjy bólinip, ótken jyly bastalǵan 10 SSK-niń qurylysy júrip jatyr. Endi ol bıyl aıaqtalady. Sonymen qatar 2020 jyly atalǵan baǵdarlamaǵa saı respýblıkalyq bıýdjetten 10, aımaqtyń jáne demeýshiler esebinen 12 sporttyq-saýyqtyrý keshenine jóndeý júrgizilip, taǵy 10-y salynady. 2021 jyly «Aýyl - el besigi» baǵdarlamasyna úsh, aımaqtyq bıýdjetten 16, ózge de qarjylandyrý arqyly 36 SSK kirgizetin bolamyz»,-dedi mınıstr.
