Elorda • 24 Aqpan, 2020

Elorda kitaphanalarynyń dızaınyn ózgertý usynyldy

22 retkórsetildi

Qala kitaphanalarynyń oqý zaldaryna kelýshilerdi kóptep tartý úshin elordada zamanaýı kitaphana dızaıny usynyldy. Mádenıet jáne sport basqarmasynyń basshysy Nurlan Sydyqov kitaphana dızaıny týraly pikirimen máslıhat depýtattarymen bólisti, dep habarlady qala ákimdiginiń baspasóz qyzmeti.


Nurlan Sydyqovtyń aıtýynsha, qazir elordada  memlekettik jáne jeke ıeliktegi 20 kitaphana bar. Kitap qory 700 myń danany quraıdy. Statıstıkaǵa sáıkes, jylyna 70 myńǵa jýyq turaqty oqyrman kitaphanalarǵa barady. Oqyrmandar sany – 540 myń adam. Búgingi tańda basqarma aldynda zamanaýı dızaınerlik sheshimderdi engizý arqyly kitaphana jelisin túrlendirý mindeti tur. Osy ıdeıalardy iske asyrý Bógenbaı batyr dańǵylyndaǵy 1000 sharshy metrlik eski kitaphana ǵımaratynan bastalady. Atalmysh kitaphana kúnine myń oqyrmanǵa deıin qabyldaı alady, qazir bilim ordasyna bir kúnde 50-60 adam keledi. «Oqý zaly 5-10 %-ǵa ǵana jumys jasaıdy. Kitaphana kólemi úlken, sondyqtan oqyrmandardy tartýymyz kerek. Osyǵan uqsas joba basqa qalalarda iske asyryldy.

Máselen, Almatyda balalar kitaphanasy zamanaýı úlgide jańaryp shyqty. Eger buryn oǵan orta eseppen 40 adam kelse, qazir kelýshiler sany 1400-ge jetti», - dedi Nurlan Sydyqov. Jobanyń eskızderi boıynsha dástúrli kitaphanalar formatynan alshaqtaý týraly sheshim qabyldandy. Ol boıynsha zamanaýı zaldar yńǵaıly oryndyqtary, demalý alańdary men tamaqtaný bólmeleri bar kovorkıng ortalyqtaryna uqsaıdy. Sonymen qatar, kitaphana ınterer jaraqtarymen tolyqtyrylyp, ashyq tústermen bezendirilgen. Máslıhat depýtaty Aman Aıýpov óz sózinde oqyrmandardy tartýdyń basty ólshemi retinde dızaın emes, kitaphana mazmuny jáne qyzyqty ádebıetter bolýy kerek degen pikir bildirdi.

«Kitap toltyrý turǵysynan halyqaralyq tájirıbeni qoldanýymyz kerek. Kórkem ádebıet pen tehnıkalyq ádebıetterdi qamtıtyn jaqyn, alys shetel kitaphanalaryna qosylýǵa bolady. Qazirgi tańda bizde tehnıkalyq kitaptardyń azdyǵy baıqalady. Sonymen qatar, kóptegen oqý oryndary oqýlyqtardyń kez-kelgen túrine qol jetkize almaıdy. Eger basqa elderdegi kitaphanalar qoljetimdi bolsa, aýdıtorııanyń qyzyǵýshylyǵy artady», - dedi ol.

Nurlan Sydyqov kitap qory jıi jańartý múmkindigi bolmaǵanyn atap ótti. Onyń aıtýynsha, jyl saıynǵy jazylym bolsa da, kitaptar qazirgi zamanǵy talaptarǵa saı kelmeıdi.

«Biz jyl saıyn belgili bir qarajat bólip, ádebıetterdi satyp alýymyz kerek. Sonymen qatar kitaptardy qaıta jazyp shyǵyp, ártúrli jastaǵy oqyrmandar arasynda tanymal ádebıetterge taldaý jasaýymyz kerek. Bizdiń maqsatymyz – memlekettik tildegi kitap qoryn kóbeıtý. Búgingi tańda ádebıettiń tek 28%-y memlekettik tilde, qalǵan kitap qory orys tilinde. Sondyqtan biz bul kórsetkishti teńestirýimiz kerek. Bul baǵytta jańa tásilder jetkiliksiz, biraq atalmysh másele boıynsha tájirıbe almasý úshin shetelge qyzmetkerlerdi jiberýge bolady», - dedi basqarma basshysy.

Depýtattar bul baǵytta densaýlyq saqtaý, bilim berý jáne áleýmettik qorǵaý salalarynyń ókilderimen birlesip jumys jasaýdy usyndy. Osylaısha, medısınalyq taqyryptaǵy kitap kórmelerin emhanalarda ótkizýge bolady. Biraq bul úshin basshylyq tıimdiliktiń negizgi kórsetkishterin anyqtaı otyryp, jumys tujyrymdamasyn jasaýy kerek.


Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar