Abaı • 24 Aqpan, 2020

Tarazda Abaı atyndaǵy festıval ótti

43 retkórsetildi

Qazaqtyń uly aqyny Abaı Qunanbaıulynyń 175 jyldyǵyna oraı, Nazarbaev zııatkerlik mektebiniń bastamasymen M.H.Dýlatı atyndaǵy Taraz Memlekettik ýnıversıtetinde «Bilimdiden shyqqan sóz» atty aqyn shyǵarmashylyǵyna arnalǵan oblystyq festıval ótti. Sharaǵa oblystyń 10-nan astam mektepterinen kelgen komandalar qatysyp, óner, robototehnıka salalary boıynsha baq synady.

Shara shymyldyǵy «Hákim Abaı» teatrlandyrylǵan qoıylymymen ashyldy. Jıynda ýnıversıtet rektory Mahmetǵalı Sarybekov jáne oblystyq bilim basqarmasy basshysynyń mindetin atqarýshy Jámılá Bekbatyrova sharanyń mańyzdylyǵyn atap ótip, qatysýshylarǵa sáttilik tiledi.

Festıval barysynda «Abaıdyń izimen» atty bilim salasyn damytýdaǵy ózekti máseleler boıynsha dóńgelek ústel, «Abaıdyń qara sózderi – ónege kózderi» taqyrybyndaǵy aqynnyń óleńderi men qara sózderin jatqa oqý saıysy jáne «О́tkirdiń júzi, kesteniń bizi, órnegin sendeı sala almas» taqyrybynda robototehnıka olımpıadasy bir mezette uıymdastyryldy.

Dóńgelek ústel barysynda jergilikti ýnıversıtet rektorlary men mektep dırektorlary mektep pen joǵary oqý orny qyzmetindegi sabaqtastyq máselelerin talqylady. Munda kadr daıyndaý, stýdentterdiń bilim sapasy, bilikti mamandardy mektepke tartý týraly máseleler kóterilip, olardy sheshý joldary usynyldy.

Sonymen qatar ýnıversıtet foıesinde oqýshylar qurastyrǵan robottar qazaqtyń ulttyq oıyn túrlerinen jarysqa tústi. Budan keıin oblys aýdandarynan kelgen mektep komandalary Abaı shyǵarmalary boıynsha dramalyq qoıylymdar sahnalady. Saıys talabyna saı ata-analar, ustazdar men oqýshylar bir sahnada óner kórsetti. Festıval sońynda jeńimpazdar anyqtalyp, olarǵa júldeli oryndar tabystaldy.

 

Jambyl oblysy

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar