Jemisti jumysqa – jaıly nysan

«О́zenMunaıGaz» AQ qaras­ty Burǵylaý jumystary basqar­masynda 700 oryndyq turmystyq-sharýashylyq keshen paıdalanýǵa berildi.

«О́zenMunaıGaz» AQ qaras­ty Burǵylaý jumystary basqar­masynda 700 oryndyq turmystyq-sharýashylyq keshen paıdalanýǵa berildi.

– 2009 jyldan beri О́zen ken orny jańa áleýmettik nysandarmen úzdiksiz tolyǵyp kele­di. Osy jyly da Kompanııa áleýmettik qurylystyń barynsha qarqyndy iske asýyna jol ashyp otyr. Burǵylaý jumystary basqarmasynda paıdalanýǵa berilip otyrǵan záýlim turmystyq-sharýashylyq keshen osy baǵyttaǵy isterimizdiń biri ǵana. Basqarma ujymyna izgi tilegimdi bildiremin. Jańa nysan ıgilikterińizge jarasyn, dedi nysannyń ashylý saltanatynda «О́zenMunaıGaz» AQ bas dırektory Maqsat Ibaǵarov.

Rasynda, О́zen ken ornynda jumys isteıtinderge arnap ashylyp jatqan túrli nysandar týraly gazet betinde turaqty jarııalap kelemiz.

Qurylysty júrgizgen merdiger «SST» JShS-i tabystaǵan bul turmystyq-sharýashylyq keshende jabdyqtalǵan kıim aýystyrý bólmeleri, dýsh kabınalary jáne tynyǵý bólmeleri bar. Budan basqa basqarma aýmaǵynda avtokólik qoıýǵa arnalǵan bokstyń, jóndeý sheberhanasynyń ǵımarattary salynýda. Jyl sońyna deıin basqarmanyń ákimshilik ǵımaraty paıdalanýǵa beriledi dep kútilýde. «Biz bul nysannyń ashylýyn asyǵa kúttik. Shynymyzdy aıtsaq, jańadan qurylǵan basqarmada boı kótergen barlyq nysan biz úshin óte ystyq kórinedi. Ujymdastaryma ıgiligimizge berilip otyrǵan jańa keshen qutty bolsyn, árqashan qýanyshtarymyz kóp bolsyn» deıdi jańa nysannyń lentasyn qıǵan basqarma jumysshysy, eńbek ozaty Jańabaı Qoılybaev.

Jemisti jumysqa jaıly jaǵdaı bastaıdy. О́zen ken ornynda sońǵy kezderi birinen soń biri ashyla bastaǵan jańa ǵımarattar legi – osy maqsatqa bastaıtyny anyq.

Gúlaıym ShYNTEMIRQYZY,

«Egemen Qazaqstan».

Mańǵystaý oblysy.