Álem • 25 Aqpan, 2020

Koronavırýs – indet aýqymy ulǵaıyp barady

646 retkórsetildi

Aýa arqyly juǵa beretin koronavırýstyń taralý aýmaǵy kúnnen-kúnge keńeıip keledi. Jer betindegi memleketterdiń barlyǵy derlik Qytaı elimen qarym-qatynasty úzip, shekaralaryn tars bekitip, barlyq qamdy jasap jatsa da bul indet keıbir elderdi kádimgideı jaılap, aýrýdyń ekinshi oshaǵyna aınaldyryp bara jatqandaı...

 

Irannyń ILNA aqparattyq agenttiginiń habarlaýynsha, Kým qalasynda jańa koronavırýstan bir aıda qaza tapqandardyń sany 50-ge jetken. Bul kórsetkish osyǵan deıin aıtylǵan resmı málimetten áldeqaıda kóp. Kým qalasynyń resmı ókili Ahmad Amırıabadı Farahanı qalada 250-den astam adam karantındik oqshaýlaýda ekenin habarlaǵan.

Qazirdiń ózinde bul vırýs Azııada 78 myńnan astam adamǵa juqqan. Qytaıdyń ulttyq den­saý­lyq saqtaý komıssııasy indet­ten qaza bolǵandar sany 2500-den asqanyn málimdedi.

Sondaı-aq vırýstyń jańa túri álemniń kem degende 28 eline tarap úlgergen. О́zge elderde tirkelgen jaǵdaılardyń kópshiligi Qytaıdan kelgen jolaýshylardan juqqan bolýy múmkin delingen.

Iran, Italııa jáne Ońtústik Koreıada indetke shaldyqqandar sanynyń kúrt ósýi ǵalamdyq deńgeıde qaýiptiń paıda bolǵanyn kórsetkendeı. Mine, sondyqtan Dúnıejúzilik densaýlyq saqtaý uıymy vırýstyń Iran men Italııada taralýyna baılanysty alańdaýly ekenderin jetkizdi. Al, Iran bıligi vırýspen kúresý maqsatynda eldegi mektepter, joǵary oqý oryndary men mádenıet oshaqtaryn jabý týraly sheshim qabyldaǵan.

Iаǵnı, qazirgi jaǵdaı tek Qytaımen shekarany jaýyp, indetti tek sol jaqtan ǵana kútýge bolmaıtynyn, atalǵan elden kelgen jandardy ǵana qatań baqylaýǵa alýmen shektelmeý kerek ekenin baıqatyp otyr. Koronavırýs tek Qytaıdan kelmeıdi, shetelge baryp kelgen kez kelgen azamat bul indetti juqtyryp alyp kelýi múmkin. Qazirdiń ózinde kórshi elder Irannan kelgen jolaýshylardyń arasynda vırýs juqtyrǵandar bar ekenin málimdep, shekarany jabýǵa májbúr boldy. Kanada, Lıvan, Birikken Arab Ámirlikteri men Bahreın elderi de Irannan kelgen jolaýshylar arasynda vırýs juqtyrǵandar bar ekenin málimdegen.

Endeshe «Qamdanǵan qapy qalmaıdy» degendeı, otandyq densaýlyq saqtaý qyzmetkerleriniń eskertýine qulaq asyp, koronavırýs máselesine óte sergek qarap, áýe, jol qatynasy arqyly barys-kelis jasap jatqan shekaralas kórshi eldermen, barlyq alys-jaqyn memlekettermen baılanysymyzdy qatań baqylaý qajet. Sondaı-aq, shetelge shyǵyp kelgen kez kelgen azamat qatań medısınalyq tekserýden ótýi tıis. «Shuǵyl jaǵdaı bolmasa el azamattary shetelge shyǵýdy ázirge shekteı turǵandary da jón» degen dárigerler buǵan el turǵyndary túsinistikpen qaraıtynyna senimdi. Qalaı aıtsaq ta, koronavırýstiń qazirgi ekpini búkil eldi shoshytyp otyr. Qamdanbasaq, bolmas.

 

Sońǵy jańalyqtar

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Uqsas jańalyqtar