Baıqońyrda 24 mln. teńgeniń ǵımaratyn 600 myń teńgege satqan
Qyzylorda oblysy Baıqońyr qalalyq prokýratýrasy qaladaǵy quny 24 561 307 teńge bolatyn ǵımarattyń 610 614 teńgege satylyp ketkenin anyqtady. Bul týraly oblystyq prokýratýranyń baspasóz qyzmeti habarlady.
Baıqońyrda 24 mln. teńgeniń ǵımaratyn 600 myń teńgege satqan
Qyzylorda oblysy Baıqońyr qalalyq prokýratýrasy qaladaǵy quny 24 561 307 teńge bolatyn ǵımarattyń 610 614 teńgege satylyp ketkenin anyqtady. Bul týraly oblystyq prokýratýranyń baspasóz qyzmeti habarlady.
Atalmysh qylmystyq kelisim «V» JShQ bas dırektory, Baıqońyr qalasy memlekettik múlik jáne jekeshelendirý departamentiniń bastyǵy jáne departamenttiń bólim bastyǵy arasynda jasalǵan. Osylaısha, Abaı dańǵyly boıynda ornalasqan oblystyq ádilet departamentiniń teńgerimindegi jalpy kólemi 720,8 sharshy metrlik eki qabatty ǵımarattyń 492 sharshy metrlik ekinshi qabaty barynsha tómendetilgen baǵamen satylǵan. Saýdany jekeshelendirý maqsatynda júrgizgen uıymdastyrýshylar buryn jasalǵan jóndeý jumystaryna baılanysty qujattardy qaıta daıyndap, onyń satylý baǵasyn 24 561307 teńgeden 610 614 teńgege deıin túsirip jibergen. Osylaısha, memlekettiń zańmen qorǵalatyn múddelerin eleýli túrde buzyp, aýyr zardaptarǵa ákep soqtyrǵany anyqtaldy.
Atalǵan derekter boıynsha joǵaryda atalǵan birinshi tulǵaǵa qatysty Qylmystyq kodekstiń 177-baby 3-bóligi «b» tarmaǵymen, ekinshi tulǵaǵa qatysty 307-baby 4-bóligi «b» tarmaǵymen jáne 314-baby 2-bóligimen, al úshinshi tulǵaǵa qatysty 314-baby 2-bóligimen qylmystyq ister qozǵalyp, qaraý úshin aıyptaý qorytyndysymen Baıqońyr qalalyq sotyna joldandy.
Qurysh NURYMBET.
