Aımaqtar • 25 Aqpan, 2020

«Tań-sholpan» halyqaralyq táýelsiz áıel sýretshiler qorynyń kórmesi ótti

26 retkórsetildi

Qasteev mýzeıinde ótken kórmede qylqalam sheberleriniń  túrli janrdaǵy 130-dan astam týyndylary qoıyldy. Sýretshilerdiń boıaýmen ǵana emes, teri, kıiz pannolary men ózge de qolónerleri kelýshilerge jol tartty.

Almatylyqtar men qala qonaqtary túrli beıneleý óneriniń bir arnada toǵysqan alańynda názik jandylar salǵan sýretterdi tamashalady. Almaty qalasy «Rýhanı jańǵyrý» keńsesiniń málimetteri boıynsha, arýlardy qoǵamdyq ómirge etene aralastyrýdy maqsat etken sharaǵa otandastarymyzdan bólek О́zbekstan, Túrkimenstan, Tájikstan, Avstralııa, Germanııa, Kanada jáne AQSh eliniń de kásibı sýretshileriniń jumystary qoıyldy. Týyndylarda avtorlardyń júrek jylýy men ónerge degen mahabbaty, adam men tabıǵat arasyndaǵy baılanys, ómirdiń ózekti máseleleri kórkem beınelenedi.

Kórmege qoıylǵan týyndylar buryn-sońdy esh jerde kórsetilmegen. Ár sýretshi kórkemóner mánerin, ınnovasııalyq ádisterin, kreatıvti oı-tujyrymyn túsinikti tilde pash etýge tyrysty.  Uly ónerde shekteý de, shekara da joq. Kórmege qoıylǵan eńbekter dáıektiligimen, boıamasyz tabıǵılyǵymen qundy. Názik jandylar beınelengen kartınalardan ishki jylylyqty, tereń lırıkalyq qurylymdy sezinýge bolady, deıdi uıymdastyrýshylar.

 

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar