Aımaqtar • 25 Aqpan, 2020

Soltústik Qazaqstanda jyl basynan beri 17 adam joǵalǵandar tizimine engizildi

47 retkórsetildi

Soltústik Qazaqstan oblystyq krımınaldyq polısııa basqarmasynyń aqparatyna qaraǵanda búgingi tańǵa deıin óńirde iz-tuzsyz joǵalǵan barlyǵy 49 adam izdestirilýde. Olardyń 38-i er adam bolsa, 11-i áıelder.

Aqyl-esi durys adamnyń joǵalýy kúmándi, joǵalǵan adamdardyń tizimindegi 32-si maskúnemdikke salynǵandar eken. Barlyq joǵalǵandardyń 18-i Petropavl qalalyq polısııa basqarmasynyń izdestirý jumystaryna alynǵan. Qalǵandary aýdandardyń aýmaǵynan joǵalǵandar. Sonyń ishinde 10-y Qyzyljar, 7-i Aıyrtaý aýdanynda jáne 5-i Ǵabıt Músirepov aýdanynyń polısııalaryna tıesili. Qalǵandary 1-2-den basqa aýdandardan joǵalǵandar.

Bıylǵy jyldyń basynan beri 17 adam joǵalǵan dep tanylǵan. Ol týraly krımınaldyq polısııa basqarmasynyń bastyǵy, polısııa polkovnıgi Petr Klımov bylaı deıdi: «Aǵymdaǵy jyldyń qańtar aıynda azamattardyń joǵalýy boıynsha Sotqa deıingi tergep-tekserýdiń biryńǵaı tiziliminde 17 fakt tirkeldi. Onyń ishinde jeteýi – erler, úsheýi – áıelder, altaýy – kámeletke tolmaǵandar. 8 adam ishkilikke salynǵan. Olardyń barlyǵynyń aty-jónderi belgili boldy. Ásirese, 14-i bir táýlik ishinde anyqtaldy».

Polısııa qyzmetkerleriniń aıtýyna qaraǵanda joǵalǵan adamdardyń keıbiri otbasylarynda jaqyndarymen renjisken janjaldan keıin úılerinen ketip qalsa, taǵy bireýleriniń joǵalýyna ishimdikke salynýlary sebepshi bolady.

Bıylǵy jyly joǵalǵandardyń qataryna engizilgen Meıram Smaǵulovty, Vıktor Raskatovty, Baqyt Hamzınany izdestirýde krımınaldyq polısııa basqarmasy turǵyndardyń kómek kórsetýin suraıdy. Bular bıyldan buryn joǵalsa da iz-tuzsyz ketkenderdiń qataryna endi engizilip otyr. Sonyń ishinde 1976 jyly Taraz qalasynda týǵan Meıram Smaǵulov 2018 jyldyń qazan aıynda Ǵabıt Músirepov aýdanynyń Rýzaevka selosyndaǵy úıinen shyǵyp, osy ýaqytqa deıin habar-osharsyz ketken. О́zi ishimdikke áýes, úıinen buryndary da birneshe ret ketken eken.

36 jastaǵy Vıktor Raskatov Petropavl qalasyndaǵy úıinen 2019 jyldyń 30 qyrkúıeginde ketip qalǵan. Sodan beri habar-oshar joq. Al qazaq aýylynan shyqqan 1971 jyly týǵan Baqyt Hamzına 2019 jyldyń 18 qarashasynda Shal aqyn aýdanyndaǵy Jańatalap aýylyndaǵy úıinen shyǵyp, belgisiz baǵytta ketip qalǵan. Kúni búginge deıin odan esh derek joq.

Aıdyń-kúnniń amanynda úıinen shyǵyp ketip, iz-tuzsyz joǵalǵandardyń keıbiriniń derekteri osyndaı.

Soltústik Qazaqstan oblysy

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar