Aımaqtar • 25 Aqpan, 2020

Qaraǵandyda «Aibyn-Arqa» klýbynyń alǵashqy otyrysy ótti

13 retkórsetildi

Qaraǵandy oblysy ákimdigi apparatynyń «Qoǵamdyq kelisim» memlekettik mekemesi janynan byltyr qurylǵan «Aibyn-Arqa» áskerı-patrıottyq klýbynyń birinshi otyrysy ótti. Onyń jumysyna  oblystyq departamentterdiń, ardagerler uıymdarynyń, etnomádenı jáne qoǵamdyq birlestikterdiń ókilderi, oqýshylar men stýdentter, sondaı-aq balalar úıleriniń tárbıelenýshileri qatysty.

«Aibyn-Arqa» klýbynyń negizin qalaýshy jáne úılestirýshisi Qýanysh Maqsutov uıymnyń birinshi otyrysyn ótkizip, ótken jyldyń qorytyndysyn shyǵaryp, 2020 jylǵa arnalǵan jospardy talqylaǵandaryn atap ótti.

– Ardagerler jáne qoǵamdyq uıymdarmen, áskerı-patrıottyq klýbtardyń jetekshilerimen, áskerı bilim berýdi qamtamasyz etetin mektep muǵalimderimen kelise otyryp, klýbtyń jańa erejeleri bekitildi, – dedi ol.

Sonymen qatar, ol bıylǵy jyldan bastap klýb aı saıyn qazaqtyń jáne búgingi Qazaqstannyń batyrlaryn eske alý keshin ótkizip otyratynyn habarlady.

Osy joly atalǵan klýb Álııa Moldaǵulovaǵa arnalǵan ádebı-mýzykalyq kesh uıymdastyrdy. Shara aıasynda batyr qyz atyndaǵy sport mektep-kolledjimen birlesip, Uly Jeńis kúnine arnalǵan taqyryptyq kórme ótkizildi.

«Aibyn-Arqa» klýbtary jastarǵa patrıottyq tárbıe berý, sondaı-aq jastardyń Uly Otan jáne Aýǵan soǵysy ardagerlerimen, Chernobyl apatynyń zardaptaryn joıýshylarmen birlese jumys isteý alańqaıyn qurýdy maqsat etedi.

 

Qaraǵandy oblysy

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar