Qazaqstan • 25 Aqpan, 2020

Densaýlyq saqtaý mınıstrligi Tokıodan ushyp kelgen jolaýshylardan keshirim surady

88 retkórsetildi

Densaýlyq saqtaý mınıstrligi 24 aqpan kúni Scat áýe kompanııasynyń ushaǵymen Tokıodan ushyp kelgen jolaýshylardan keshirim surady. Bul týraly mınıstrliktiń Facebook paraqshasynda jarııalandy.

Mınıstrliktiń málimetine sáıkes, Tokıodan ushyp kelgen jolaýshylar 14 kúnge karantınge jatqyzylǵan. Mundaı tótenshe sanıtarlyq-karantın sharasy koronavırýs ınfeksııasynyń órshýine baılanysty azamattardyń qaýipsizdigin qamtamasyz etý maqsatynda qabyldanǵan-dy.

«Atalǵan ınfeksııa búginde qoǵam densaýlyǵyna qater tóndirip otyr. Aıta ketý kerek, bul sheshim barlyq talaptarǵa saı, qysqa merzim ishinde qabyldandy. Qazirgi tańda barlyq jolaýshylar táýlik boıy dárigerlerdiń baqylaýyndaǵy medısınalyq mekemede jatyr. Ol Nur-Sultan qalasynan 7 shaqyrym qashyqtyqta ornalasqan. Olardan synama alynyp, Almatydaǵy Aıqymbaev atyndaǵy qaýipti ınfeksııalardy zertteıtin Ulttyq ǵylymı ortalyqqa jóneltildi», dep jazdy mınıstrlik.

Eske sala keteıik, keshe japondyq Diamond Princess laıneriniń bortynda bolǵan Qazaqstannyń 4 azamaty Qazaqstanǵa oraldy. Olar Nur-Sultan qalasy №3 kópbeıindi aýrýhanasynyń janyndaǵy ınfeksııaǵa qarsy korpýsqa jatqyzylǵan bolatyn. Densaýlyq saqtaý mınıstrligine qarasty taýarlar men qyzmetterdiń sapasy men qaýipsizdigin baqylaý komıteti Qazaqstanda koronavırýs ınfeksııasyn juqtyrǵan adam tirkelmegenin habarlady.

Sońǵy jańalyqtar

Uqsas jańalyqtar