Aımaqtar • 25 Aqpan, 2020

Taraz: Bilim oshaǵyndaǵy zańsyzdyqtar

393 retkórsetildi

Jambyl oblysynyń ákimi Berdibek Saparbaev bilim salasynyń ókilderimen kezdesýinde keıbir mektep dırektorlary ózderin knıaz sekildi sezinetinderin aıtqan edi. «Oqý oryndarynyń keıbir basshylary ózderin uıymdastyrýshy emes, menshik ıesi sekildi sezinedi. Mektep – memlekettiki, al dırektor – aýysyp otyratyn basqarýshy tulǵalar bolýy tıis. Jumysqa ornalastyrǵany úshin dırektor muǵalimnen aqy alsa, odan sapaly jumysty qalaı talap etedi? Ol muǵalim óz shyǵyndaryn ata-analar arqyly qaıtara bastaıdy, sybaılas jemqorlyq tizbegi osylaı jalǵasa beredi», degen bolatyn. Jıynda bilim salasyndaǵy budan ózge de máseleler kóterilip, talqylandy. Sondaı-aq ákim bilim berý, tártip jáne tárbıe jumystaryn  kúsheıtýdi de tapsyrdy.

Árıne, salada jetistikter de bar. Jambyl oblystyq bilim basqarmasy basshysynyń mindetin atqarýshy Jámılá Bekbatyrovanyń aıtýynsha 1891 muǵalim respýblıkalyq jáne halyqaralyq konkýrstardyń jeńimpazy atanǵan. Sonymen qatar oblys oqýshylary pándik olımpıadalarda 132 medalǵa qol jetkizip, óńirdiń 10 mektebi respýblıka boıynsha 100 úzdik mektep qataryna enip otyr. Biraq Berdibek Saparbaev Qordaı aýdany, Masanshy aýylyndaǵy mektepterdiń birinen on jyl boıy birde-bir «Altyn belgi» nemese «Úzdik attestat» ıegeriniń shyqpaǵanyn, tek bir ǵana túlektiń joǵary oqý ornyna grantqa túskenin atap ótti. Sonymen qatar Jámılá  Bekbatyrova negizgi másele retinde pedagogtardyń biliktiliginiń tómendigin atap ótip, syrttaı bólimde oqyp, dıplom alatyndardyń jaıyna nazar aýdartty.

Ákimniń «Keıbir mektep dırektorlary ózderin knıaz sekildi sezinedi» degen sóziniń sońyn ala-aq Taraz qalasyndaǵy №43 orta mekteptiń ujymy dırektordyń ústinen aryzdandy. Dırektor qyzmettik babyn asyra paıdalanyp mektepte aqsha jınaýdy ádetke aınaldyrǵan kórinedi. Atalǵan mekteptiń muǵalimi Kúnsulý Bórimbekova dırektorǵa kim aqsha bermeıdi, sonyń jumysy nólge teń bolatynyn aıtty. Tipti ol áleýmettik jeli arqyly jumystan orynsyz bosatylǵanyn aıtyp shaǵymdanǵan edi. Sonymen qatar muǵalimderdiń aıtýynsha, olardy kez-kelgen sabaqtyń ústinen shaqyrtyp, jınalys jasaıdy eken. Zańsyz aqsha jınaǵany óz aldyna, basshynyń minezi dóreki deıdi olar. Alaıda, mektep dırektory Elmıra О́mirbekova muǵalimderdiń bul pikirine kelispeıdi. Tipti ol sotqa júginýge májbúr bolǵanyn aıtady. Elmıra О́mirbekova munyń aldynda týra osyndaı jaǵdaımen №25 mektepten jumystan ketken eken.

Berdibek Saparbaevtyń tapsyrmasy boıynsha, atalǵan mektep dırektorynyń máselesine baılanysty arnaıy komıssııa quryldy. Komıssııa quramynda oblystyq bilim basqarmasynyń, salalyq kásipodaqtyń jáne úkimettik emes uıymnyń ókilderi bar. Komıssııanyń alǵashqy otyrysy ótip, búginde bilim oshaǵyndaǵy zańbuzýshylyqtar boıynsha tekserý júrgizilýde. Taraz qalalyq bilim bólimi basshysynyń mindetin atqarýshy Ýálıhan Baıdýanovtyń aıtýynsha, jumystan zańsyz bosatylǵanyn aıtyp shaǵynǵan Kúnsulý Bórimbekova kelisim komıssııasynyń sheshimimen jumysyna qaıta alynypty. Al, endi mektep dırektoryna qandaı jaza qoldanylatynyn tekserý jumystary kórsetedi.

 

Jambyl oblysy  

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar