Qoǵam • 25 Aqpan, 2020

16 jastaǵy jasóspirim dárigerge óz betinshe júgine ala ma?

26 retkórsetildi

Bıyl «Halyqtyń densaýlyǵy jáne densaýlyq saqtaý júıesi týraly» Kodeks qabyldanatyny belgili. Bul kúnderi Densaýlyq kodeksiniń jobasy qaıta-qaıta talqyǵa túsip, usynystar pysyqtalý ústinde.

Sonymen, Almatyda ótken kezekti talqylaýǵa Densaýlyq saqtaý mınıstri Eljan Birtanov, Almaty ákiminiń orynbasary Erjan Babaqumarov, Parlament Májilisiniń depýtaty Záýresh Amanjolova, Balalar quqyǵyn qorǵaý jónindegi ýákil Arýjan Saın, úkimettik emes sektordyń, kásipodaqtardyń, medısınalyq uıymdardyń músheleri, densaýlyq saqtaý salasyndaǵy sarapshylar, qoǵam belsendileri jáne buqaralyq aqparat quraldarynyń ókilderi qatysty.

Dóńgelek ústel túrinde ótken jıynda vaksınasııa, transplantologııa, kámeletke tolmaǵandardyń reprodýktıvtik densaýlyǵyn saqtaý, jastardyń jynystyq tárbıesi máselelerin qamtý máselesi qyzý talqyǵa tústi.

Jańa zań jobasynda jastardyń jynystyq tárbıesi týraly máseleler qamtylǵan. Balalar quqyǵyn qorǵaý jónindegi ýákil Arýjan Saın balalarǵa 16 jasynan bastap ata-anasynyń qatysýynsyz dáriger keńesin alýǵa ruqsat berý qajettigin alǵa tartty. Onyń aıtýynsha, bul kóp balalardyń ómiri men densaýlyǵyn saqtap qalmaq. Al Májilis depýtaty, Densaýlyq kodeksin qaraý boıynsha jumys tobynyń tóraǵasy Záýresh Amanjolova osy baǵytta kodekske ózgerister esepke alynatyndyǵy týraly aıtty.

«Búgin sarapshylardyń aıtqan statıstıkasyn ózderińiz estigen bolarsyzdar. Qazir balalardyń 40 paıyzy 16-16,5 jasta jynystyq qatynasqa túsedi eken. Eger osy jasta bala dárigerge kelse, dárigerler ata-anańdy alyp kel deıdi. Al bala ata-anasyna aıtýdan qorqady nemese uıalady. Sodan ol qaıtyp kelmeıdi. Ol qasyndaǵy qurbylarynan, dostarynan, ınternetten aqyl suraı bastaıdy. Sondyqtan konsýltatıvtik kómek 16 jastan bolýy kerek. Bul osy Kodekste qarastyrylatyn bolady», – dedi Záýresh Amanjolova.

Jańa Kodekstiń jobasymen atalǵan quqyq neǵurlym egjeı-tegjeıli reglamentteledi, óıtkeni reprodýktıvti densaýlyqty qorǵaý jáne adamgershilik-jynystyq tárbıe alý durys jynystyq minez-qulyq týraly aqparattandyrylýǵa baılanysty. Durys jynystyq minez-qulyqtyń maqsaty – qajetsiz júktilikti jáne jynystyq jolmen beriletin ınfeksııalardyń taralýyn aldyn alý bolyp tabylady.

О́z kezeginde osy máseleni retteý maqsatynda aqparatty kelesi jazbadaǵydaı kórsetý usynylady: «Árbir bala qajetsiz júktilikti jáne jynystyq jolmen beriletin ınfeksııalardyń taralýyn boldyrmaý maqsatynda reprodýktıvti densaýlyǵyn saqtaý týraly aqparatty qoljetimdi nysanda alýǵa quqyly».

Parlament Májilisiniń depýtaty, osy Zań jobasy boıynsha jumys tobynyń jetekshisi Záýresh Amanjolova reprodýktıvti densaýlyq boıynsha dárigerdiń konsýltasııalyq kómegi týraly normany bekitý josparlanǵanyn túsindirdi. Búgingi tańda Qazaqstanda reprodýktıvti medısına mektebi bar, keńes alý úshin pedagogıkalyq ujymnyń ruqsaty qajet.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar