Aımaqtar • 25 Aqpan, 2020

Mal satyp alýǵa bólingen 5,3 mıllıard teńgeniń búginge 2,2 mıllıard teńgesi ǵana ıgerilgen

34 retkórsetildi

Jambyl óńirinde qolǵa alynyp, el Úkimetinen qoldaý tapqan turǵyndardyń turmystyq tabysyn jaqsartýdyń pılottyq jobasy halyqqa berilgen úlken múmkindik. Qazirgi tańda memleket tarapynan berilgen nesıege mal alyp, tirligin tiktep otyrǵan sharýalar kóp. Alaıda, bólingen qarajat qalaı ıgerilýde? Oblystyń 10 aýdanynan tańdalyp alynǵan 11 aýyldyq okrýgtiń turǵyndary berilgen múmkindikti tıimdi paıdalanyp otyr ma?

Búginde atalǵan joba aıasynda 5,4 mıllıard teńgege 1,7 myńnan astam ótinim qarjylandyrylǵan. Odan bólek taǵy 664 ótinim «Taraz» áleýmettik-kásipkerlik korporasııasymen qaralýda desek, olardyń  qorytyndysy bıylǵy 10 naýryzǵa deıin belgili bolady. Jambyl oblysy ákiminiń orynbasary Murathan Shúkeev jobanyń barlyq bes baǵyty aıasynda aımaq boıynsha tańdalyp alynǵan pılottyq 11 aýyldyq okrýgtegi aýlalardyń  88 paıyzy qatysyp jatqanyn málimdedi.

Bul qanatqaqty jobanyń tek oblys ǵana emes, sondaı-aq, barsha elimizdiń turǵyndarynyń turmysyn arttyrý jolyndaǵy mańyzdylyǵy orasan. Osy máselege oraı ótken jıynda Jambyl oblysynyń ákimi Berdibek Saparbaev jergilikti jerlerdegi ákimder utymdy uıymdastyrý jumystaryn kúsheıtý kerektigin aıtqan edi. Sonymen qatar ákim kepil qujattarynyń qaralýyna kóp ýaqyt ketip otyrǵanyn, mal satyp alýǵa bólingen 5,3 mıllıard teńgeniń búginge deıin tek 2,2 mıllıard teńgesi ǵana ıgerilgenin de eskertken.

Aldaǵy ýaqyttarda árbir eldi mekende jobany iske asyrýǵa arnaıy jaýapty adamdy bekitiletin bolady. Ákim óziniń orynbasarlary Murathan Shúkeev pen Nurjan Kalenderovke kóktemgi egis dala jumystary bastalǵanǵa deıin, ıaǵnı 10 naýryzǵa deıin ótinish berýshilerdiń qujattaryn tolyq rásimdep, nesıelendirý, jer telimderin berý, mal men tehnıkany satyp alý boıynsha is-sharalardy aıaqtaýdy da tapsyrǵan.

          

Jambyl oblysy

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar