Saıasat • 25 Aqpan, 2020

Qazaqstandyq delegasııa BUU Adam quqyqtary jónindegi keńesiniń otyrystaryna qatysty

16 retkórsetildi

Syrtqy ister mınıstri Muhtar Tileýberdi bastaǵan qazaqstandyq delegasııa Adam quqyqtary jónindegi BUU Keńesiniń joǵary deńgeıdegi segmentiniń otyrystaryna jáne Qarýsyzdaný jónindegi konferensııaǵa qatysty. Bul týraly SIM baspasóz qyzmeti habarlady.

BUU-nyń 75 jyldyǵy kezeńinde ótip jatqan adam quqyqtary jónindegi segmentke BUU Bas hatshysy Antonıý Gýterrısh, BUU Bas Assambleıasynyń Tóraǵasy Tıdjanı Mýhammad-Bande, BUU Adam quqyqtary jónindegi Joǵarǵy komıssary Mıshel Bachelet, 55-ten astam eldiń memleket basshylary men mınıstrleri, sondaı-aq halyqaralyq uıymdardyń basshylary qatysty.

Keńes otyrysynda sóz sóılegen M. Tileýberdi Prezıdent Qasym-Jomart Toqaev Tuńǵysh Prezıdent - Elbasy Nursultan Nazarbaevtyń baǵytyn jalǵastyra otyryp, adam quqyqtary salasyndaǵy ulttyq jáne halyqaralyq standarttarǵa tolyq qol jetkizýge nıetti ekenin atap ótti. Mınıstr qatysýshylardy adam quqyqtaryn qorǵaýǵa qatysty Memleket basshysynyń Joldaýynyń erejelerin iske asyrý týraly habardar etti, «estýshi memlekettiń» tujyrymdamasyna jáne Ulttyq qoǵamdyq senim keńesiniń qurýlýyna nazar aýdardy.

Joldaýdy iske asyrý jáne BUU usynymdaryn oryndaý boıynsha praktıkalyq qadam retinde Qazaqstannyń ólim jazasyn joıýǵa, mıtıngiler týraly zańnamany jetildirýge jáne áıelder men balalarǵa qarsy zorlyq-zombylyq úshin jazany qatańdatýǵa baǵyttalǵan Ekinshi Fakýltatıvtik hattamaǵa qosylýy týraly sheshimder qabyldandy.

M. Tileýberdi «Jýsan» jáne «Rýsafa» gýmanıtarlyq operasııalary nátıjesinde 600-den astam qazaqstandyq azamat, kóbinese Sırııa men Iraktaǵy áıelder men balalar otanyna oralǵany tabysty bolǵanyn atap ótti jáne Qazaqstannyń osy salada jınaqtalǵan tájirıbemen almasýǵa daıyndyǵyn atap ótti.

BUU Ornyqty damý salasyndaǵy kúsh-jigerine qoldaý kórsetý týraly aıta kele, Mınıstr Almatyda Ortalyq Azııa men Aýǵanstan elderi úshin ornyqty damý maqsattaryn iske asyrý boıynsha BUU Habynyń ashylǵany, sondaı-aq onda qazirgi ýaqytta óńirlik, sýbóńirlik jáne eldik mártebesi bar BUU-nyń 16 agenttigi jumys isteıtini týraly habarlady.

Qarýsyzdaný jónindegi konferensııa minbesinen sóılegen sózinde Syrtqy ister mınıstri Qazaqstannyń 2045 jylǵa qaraı Elbasynyń ıadrolyq qarýsyz álemge qol jetkizýi týraly bastamasyn iske asyrýǵa turaqty beıildiligin atap ótti.

M. Tileýberdi qarýsyzdaný salasyndaǵy daǵdarysty jaǵdaıdy aıtyp, delegasııalardy ıadrolyq qarýsyzdaný, ıadrolyq qarýsyzdaný úshin ydyraıtyn materıal óndirisin toqtatý, ǵaryshta jappaı qarý shyǵarýdy boldyrmaý jáne ıadrolyq emes memleketterge qaýipsizdikke kepildik berý salasynda jańa ýaǵdalastyqtardy ázirleý boıynsha naqty jumysty bastaýǵa shaqyrdy.

Aǵymdaǵy jyldyń sáýir-mamyr aılarynda Nıý-Iorkte ótetin ıadrolyq qarýdy taratpaý týraly sharttyń 50 jyl buryn kúshine engen sholý konferensııasynyń mańyzdylyǵyn atap ótip, QR SIM basshysy osy Sharttyń halyqaralyq qaýipsizdik júıesindegi ortalyq rólin atap ótti. Aldaǵy bes jylǵa arnalǵan basym mindetter retinde ol Ortalyq Azııa aımaǵyn qosa alǵanda, ıadrolyq qarýdan azat aımaqtar arasyndaǵy yntymaqtastyqty keńeıtý jónindegi jumysty jalǵastyrý qajettigin atap ótti. Sonymen qatar, Mınıstr qatysýshylarǵa ótken jyldyń 29 tamyzynda BUU-nyń «Halyqaralyq ıadrolyq synaqtarǵa qarsy is-qımyl kúndi» jarııalaǵan kúni Qazaqstannyń Iаdrolyq qarýǵa tyıym salý týraly shartty ratıfıkasııalaǵany týraly habarlady.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar