Aımaqtar • 25 Aqpan, 2020

Batys Qazaqstanda «Kóktem-2020» jattyǵýy bastaldy

38 retkórsetildi

Búgin Batys Qazaqstan oblysy aýmaǵynda eki kúnge sozylatyn respýblıkalyq «Kóktem-2020» komandalyq-shtabtyq oqý-jattyǵýy bastaldy.

Oqý-jattyǵý bıylǵy kóktemgi sý tasqyny kezeńinde yqtımal tótenshe jaǵdaılardy joıý sharalaryna azamattyq qorǵanys organdarynyń kúshteri men quraldaryn daıyndyǵyn tekserý, is-áreketti pysyqtaý úshin uıymdastyrylyp otyr.

Oqý-jattyǵýdy Qazaqstan Respýblıkasy Ishki ister mınıstriniń orynbasary Iý.Ilın basqaryp, sharalarǵa batys Qazaqstan oblystyq, Oral qalalyq jáne aýdandyq azamattyq qorǵaý qyzmetteri qatysýda.

Oqý-jattyǵý basshysynyń orynbasary, Batys Qazaqstan oblystyq Tótenshe jaǵdaılar departamentiniń bastyǵy general-maıor Jasulan Jumashev ortalyq atqarýshy organ ókilderi kúsh-quraldarynyń oqý-jattyǵýǵa daıyndyq jaı-kúıi, olar ótkizgen is-sharalar týraly baıandamalaryn tyńdady. Keńes barysynda tirshilikti qamtamasyz etý nysandarynyń apatsyz jumys isteýin qamtamasyz etý, tótenshe jaǵdaılardyń aldyn alý, joıý boıynsha jedel sharalar qabyldaý, oryn alǵan jaǵdaıda shyǵyn kólemin, adam shyǵynyn azaıtý, tótenshe jaǵdaılarda nysandardyń qaýipsiz jáne turaqty jumys isteýin qamtamasyz etý sekildi tapsyrma berdi.

«Kóktem-2020» komandalyq-shtabtyq oqý-jattyǵýy Oral qalasyndaǵy Tuńǵysh Prezıdent alańynda Jedel den qoıý jasaǵynyń daıyndyǵyn qaraýdan bastaldy. Sharalar josparynda «Jaıyqjylýqýat» nysandaryndaǵy yqtımal apattardy joıý, qalpyna keltirý is-qımyldaryn praktıkalyq pysyqtaý, Terekti aýdanynda apattyq-qutqarý qyzmetteri men quramalarynyń úılesken is-áreketteri men jolaýshylardy evakýasııalaý, saıajaı aýmaqtarynda turatyn halyqty qaýipsiz jerge kóshirý, Báıterek aýdany boıynsha Shaǵan ózenindegi sý tasqynynan zardap shekken turǵyndardy izdestirý, qutqarý sharalary sekildi oıyn-jattyǵýlary bar.

«Kóktem-2020» sharasy aıasynda sońǵy kúnderi Batys Qazaqstan oblysynyń barlyq aýdandarynda kóktemgi sý tasqynyna qarsy sharalar tizbegin pysyqtaǵan jıyndar, sharalar ótken edi. Máselen Báıterek aýdany ákiminiń mindetin atqarýshy M.Zalmuqanova aýdandy kóktemgi sý tasqyny kezeńinde bolýy múmkin tótenshe jaǵdaılardan qutqaratyn shtabty basqaryp, Derkúl ózeniniń sý deńgeıi qaýipti kóterilgen jaǵdaıda turǵyn úılerdi sý basýdan saqtaý, qum salynǵan qapshyqtar daıyndaý, sý soratyn quraldardy ázirleý sekildi sharalardy pysyqtap shyqty.

Al respýblıkalyq jattyǵýdyń uıymdastyrylýy men ótýin baqylaý úshin oblysqa kelgen Qazaqstan Respýblıkasy Ishki ister mınıstrligi Tótenshe jaǵdaılar komıteti ókili podpolkovnık Bekbolat Abdyqadyrov Qaztalov aýdanynyń sý tasqynyna ázirligin tekserip, aýdan aýmaǵymen ótetin Qaraózen men Saryózendegi sý deńgeıin kórdi. Issapar barysynda Kókterek aýyly mańynan ótetin Saryózen boıynda 1967 jyly salynǵan Mamaı, Jańajol aýylyndaǵy Qaraózen boıynda 1981 jyly salynǵan Aqkól sý saqtaý qurylǵylarymen tanysty. B.Abdyqadyrov aýdan aýmaǵynda sý tasqyny qaýpi joq ekenine kózi jetkenin málimdep, degenmen de kenet sý tasqyny bola qalǵan jaǵdaıda aldyn-alý boıynsha birqatar tapsyrma berdi.

Dál osyndaı sharalar Tasqala aýdanynda da ótti. Derkól ózeninde sý deńgeıi kóterilip, turǵyn úılerdi sý baspaýy, muz keptelisi bolmaýy úshin ózen betinde muz oıylyp, burǵylandy.

Erteń Azamattyq qorǵaý memlekettik júıesine qarasty oblystyq qurylymdardyń jáne tirshilikti qamtamasyz etý uıymdarynyń qyzmeti pysyqtalatyn «Kóktem-2020» oqý-jattyǵý sharalarynyń praktıkalyq bólimi ótedi.

 

Batys Qazaqstan

Sońǵy jańalyqtar

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar