Atalǵan synǵa álem úzdikteri tegis qatysady dep kútilýde. «Shymbulaq» taý-shańǵy kesheninde ótetin týrnırde frıstaıl-akrobatıkadan Qazaqstan komandasynyń úzdigi Janbota Aldabergenova da júldege talasady. Janbota barsha jankúıerlerdi qazaqstandyq sportshylardy qoldaýǵa shaqyrdy.
«О́z elimizde ótetin jarystyń jaýapkershiligi qashanda joǵary. Sondyqtan, bar kúshimizdi salyp, jaqsy nátıje kórsetýge tyrysamyz. Azdaǵan ýaıym men qobaljý da joq emes. Aldaǵy eki kúnde resmı daıyndyǵymyz qaıta jalǵasady. Qarsylastarymdy bólip jarmaımyn. Qatysýshylardyń barlyǵy da myqty. Bıylǵy maýsym aıaqtalýǵa jaqyn. Bar bolǵany eki kezeń qaldy. Álem kýbogi kezeńderi Almaty men Krasnoıarsk qalalarynda ótedi. Sodan soń, maýsymdy jabyq dep jarııalaımyz. Almatydaǵy jarysqa tolyqqandy daıyndalý úshin Mınsk men Máskeýde ótetin kýboktik kezeńderge qatysqan joqpyn. Amerıkadaǵy týrnırden soń álemdik reıtıngte besinshi orynda kelemin. Osy múmkindikti paıdalana otyryp, barsha jankúıerdi Shymbulaqqa shaqyramyn. Bizge qoldaý kórsetińizder!», - deıdi Janbota.
Frıstaıldan álem kýbogi kezeńi Qazaqstanda osymen ekinshi ret uıymdastyrylyp otyr.
