«Cyndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynda AÁK tóleý tetigin túzetýge baılanysty Prezıdent tapsyrmasyn oryndaý maqsatynda júzege asqan áleýmettik kómektiń jańa formaty ádil, ashyq bolýymen qatar, eńbekke yntalandyrýy tıis. Negizgi qaǵıdat - memleket shyn máninde muqtaj adamdarǵa kómektesetin bolady» dep atap ótti vedomstvo basshysynyń orynbasary.
Aǵymdaǵy jyldyń 5 qańtarynan bastap AÁK-ti jańa format boıynsha tóleý úshin qujattar qabyldanýda. Búgingi kúni AÁK-ti rásimdeý jóninde 10 500 den asa adam keńes aldy, 4 256 ótinish qabyldandy, 3401 otbasyǵa ataýly áleýmettik kómek taǵaıyndaldy, 313 qujat ýchaskelik komıssııanyń qaraýynda. 2 533 otbasyna AÁK tólendi.
О́tinishterdi qabyldaý aýdandyq áleýmettik ál-aýqat bólimderinde, Almaty qalasy ákimdiginiń halyqty jumyspen qamtý jáne Alataý aýdanynyń «Baqytty otbasy» ortalyǵynda júzege asyrylady. Budan basqa, 2020 jyldan bastap qosymsha az qamtylǵan otbasylardan shyqqan balalar úshin zattaı qoldaýdy qamtıtyn kepildi áleýmettik paket qarastyrylǵan.
Paket boıynsha: - mektep jasyna deıingi balalar úshin (1 jastan 6 jasqa deıin) - balalar taǵamy jáne gıgıenalyq kerek-jaraqtary; - mektep jasyndaǵy (6 jastan 18 jasqa deıin) balalar úshin jańa oqý jylynan bastap - mektepterde ystyq tamaq, mektep kıimderi men kerek-jaraqtaryn satyp alý jáne jol júrý shyǵyndaryn óteý. Aıta ketý kerek, ataýly áleýmettik kómek otbasynyń eńbekke qabiletti músheleri jumyspen qamtýǵa járdemdesýdiń usynylǵan sharalarynan bas tartqan jaǵdaıda qarastyrylmaıdy jáne balalarǵa belgilengen tólemder joıylady. 2019 jyldyń tamyz aıynan bastap kópbalaly, az qamtylǵan otbasylardy qoldaý maqsatynda «Isker ANA» áıelder kásipkerligin damytý baǵdarlamasyn júzege asyratyn, «Baqytty otbasy» ortalyqtary jumys isteıdi. Atalǵan baǵdarlama boıynsha 13 474 adam bazalyq trenıngterden ótti, 6 900 adam kásipkerlik negizderi boıynsha oqytyldy. Baǵdarlamadan demeýshiler men mesenattar arqyly bıznesti ashý múmkindigi qarastyrylǵan. 2019 jyly demeýshilerdiń kómegimen 129 adam jeke kásibin ashty.
Az qamtylǵan otbasylarǵa arnalǵan "Baqytty otbasy" áleýmettik ortalyǵyna 5 692 otbasy kelip, 3 686 bala áleýmettik pedagogtar qyzmetin aldy. 776 adam – zańgerdiń, 3 766 adam – áleýmettik qyzmetkerdiń, 1 166 adam – medısına qyzmetkeriniń, 567 adam – psıhologtyń qyzmetterin paıdalandy. Kóp balaly analarǵa balalarymen birge bassaınderge jáne fıtnes-zaldaryna barý úshin 1298 sertıfıkat berildi.
Turǵyn úı alýydyń qoljetimdiligin arttyrý aıasynda 661 kópbalaly otbasy turǵyn úı alsa, onyń ishinde 10 páter - demeýshilik qarajat esebinen berildi. «Baqytty otbasy» qalalyq baǵdarlamasy aıasynda kópbalaly otbasylarmen 284 páter satyp alyndy. «Baqytty otbasy» respýblıkalyq baǵdarlamasy aıasynda 236 turǵyn úı berildi (116 – kóp balaly otbasylarǵa, 93 – tolyq emes otbasylarǵa, 27 – múgedek balalardy tárbıelep otyrǵan otbasylarǵa).
Bilim berý jelisi boıynsha kópbalaly az qamtylǵan otbasylardan shyqqan 564 bala úshin (2 baladan bastap) balabaqshalarda tamaqtanýǵa aqy tólenedi. Mektepterde 22 126 bala «jappaı oqytý» qorynan tegin tamaqtanady. Qazirgi ýaqytta osy sanattaǵy balalar úshin mektep formasyn jáne keńse taýarlaryn satyp alýǵa qosymsha qarjylandyrý qarastyrylýda.
ALMATY
