Aımaqtar • 25 Aqpan, 2020

Pavlodarda AITV týraly «Jedel jeli» ótti

5 retkórsetildi

О́ńirde sońǵy jyldary AITV, ıaǵnı Adamnyń ımmýn tapshylyǵy vırýsy juqpasynyń aldyn alý máseleleri boıynsha «Jedel  jeli» ótkizilip jatyr.

Al jalpy habarlandyrýlar 8(7182) 73-04-43 telefony arqyly aqparattar berildi, ıaǵnı óńirde JITS-tyń Juqtyrylǵan ımmýn tapshylyǵy sındromynyń aldyn alý jáne ony joıý jónindegi ortalyq mamandaryna memlekettik jáne orys tilderinde suraqtar qoıyldy.

Oblys ortalyǵyndaǵy JITS ortalyǵy baspasóz qyzmetiniń jetekshisi Roza Apaevanyń habarlaýynsha, turǵyndar tarapynan «Jedel jeli» barysynda AITV máselesine qatysty túrli suraqtar qoıylǵan.

Kóptegen turǵyn JITS jaǵdaıy boıynsha aqparattandyrylǵan, biraq olardy kóbine AITV-juqpasynyń búgingi ahýaly oılandyrady.

О́z jaýaptarynda dárigerler aqparatty Densaýlyq saqtaý basqarmasynyń únemi jańartylyp otyratyn depzdrav.gov.kz saıtynan tabýǵa bolatynyn aıtty.

Sondaı-aq jıi qoıylatyn saýaldardyń  biri - kishkentaı  balalardyń taǵdyry týraly suraq: eger anasynyń AITV belgisi oń bolsa, onda odan saý bala týý múmkin be? 

Suraýshylar júkti áıelde AITV-juqpasyn ýaqytyly anyqtaý jáne júktilik pen bosaný kezinde vırýsqa qarsy aldyn alý emin júrgizý kezinde deni saý balanyń týý yqtımaldyǵy joǵary degen jaýap aldy.

Kelesi kezekte JITS-qa qarsy elimizde vaksına jasaý boıynsha ǵylymı zertteýler júrgizilýde me degen suraq qoıyldy.

Biraq AITV-ǵa qarsy vaksına jasaý jónindegi ǵylymı zertteýler 1983 jyldan bastap shetelde júrgiziledi.

Al bizdiń elimizde vaksına jasaý boıynsha zertteýler júrgizilmeıdi. Sondyqtan AITV-juqpasyn emdeý JITS ortalyǵynyń dáriger-ınfeksıonıstiniń taǵaıyndaýy boıynsha vırýsqa qarsy preparattardyń úsh jáne odan da kóp jıyntyǵynda júrgiziledi

Turǵyndardyń qan quıý kezinde AITV-juqpasyn juqtyrý múmkin be degen suraqtaryna árıne, biraq mundaı jaǵdaı bolmas úshin barlyq donorlyq qan AITV-ǵa testilenedi degen jaýap berildi.

Sonymen birge JITS ortalyǵynyń epıdemıologtary AITV-nyń alǵashqy belgileri týraly  aıtyp berdi.

Al jastar aýmaqty tazalaý kezinde tabylǵan, ishinde qany bar ekkish arqyly juqpany juqtyra  alamyz ba, masanyń shaǵýynan qaýiptenýge bola ma degen suraqtar bergen.

Ortalyq dárigerleriniń aıtýynsha, osyndaı suraqtar turǵyndardyń juqpany qalaı juqtyratynyn jáne adamdar úshin qandaı qaýpi baryn bilmeıtindigin kórsetedi. Bulaı juqtyrý múmkin emes. Bul úlken mólsherde jańa qan ǵana bolýy kerek.

Vırýs syrtqy ortada turaqty emes. Masanyń tisteýi arqyly vırýs berilmeıdi.

Stýdent jastar bir adamnyń AITV-juqpasyn qasaqana juqtyrǵany úshin jaza túri bar ma degen saýal qoıdy.

Elimizdiń Qylmystyq kodeksiniń 116-babynyń negizinde ózinde osy aýrýdyń bar ekendigi týraly  bilgen adam basqaǵa juqtyrǵany úshin, eger bul áreket eki jáne odan da kóp adamǵa qatysty jasalsa, 5 jylǵa deıingi merzimge bas bostandyǵynan aıyrýǵa jazalanady.

Al kámeletke tolmaǵan bolsa, 8 jylǵa deıingi merzimge bas bostandyǵynan aıyrý jazasy qoldanylady.

Sondaı-aq oblys turǵyndary, qala ákiminiń qaýlysy boıynsha AITV/JITS-pen ómir súretin adamdardyń jylyna 24050 teńge mólsherinde birjolǵy áleýmettik tólem alýǵa quqyǵy bar ekendigi týraly habardar etildi.

 

Pavlodar oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar