Parlament • 25 Aqpan, 2020

Áskerı qyzmetshiler men shaqyrylýshylardy medısınalyq qamtamasyz etý máseleleri talqylandy

25 retkórsetildi

Búgin Májilistiń Halyqaralyq ister, qorǵanys jáne qaýipsizdik komıtetiniń taqyryptyq otyrysy ótti. Bul týraly Parlament Májilisiniń baspasóz qyzmeti habarlady.
 

Is-sharany ashqan Májilis depýtaty Muhtar Erman bul otyrystyń jýyq arada áskerı qyzmetshiler men olardyń otbasy múshelerin áleýmettik qamtamasyz etý máseleleri týraly Úkimettik saǵatyna daıyndyq jumystarynyń bir bóligi bolyp tabylatynyn atap ótti.

Áskerı qyzmetshilerdiń jáne áskerge shaqyrylýshy kontıngentiniń medısınalyq qamtamasyz etý máseleleri talqylanǵan otyrysta Qorǵanys Mınıstriniń orynbasary B. J. Qurmanbaev baıandama jasap: Qazaqstan Respýblıkasy Qarýly Kúshterin jasaqtaıtyn azamattardyń densaýlyq jaǵdaıy áskerı qyzmetke shaqyrylatyndardy medısınalyq tańdaýyna jáne shaqyrylýǵa deıingi kontıngetterdiń medısınalyq qamtamasyz etýiniń tıimdiligi men sapasyna týra táýeldi bolyp keledi.

Shaqyrylatynǵa deıingi jas óspirimder men shaqyrylatyn jastaǵylar arasynda jumysty júrgizý Qazaqstan Respýblıkasy Densaýlyq saqtaý mınıstrligine uıymdastyrý júktelgen. Osy mindetti sheshý úshin barlyq jas óspirimderge medısınalyq tekseristerdi jyl saıyn ótkizýmen, olardyń densaýlyq jaǵdaıyna jáne fızıkalyq jetilýine júıeli túrde baqylaýmen, ýaqytyly túrde emdeý-saýyqtyrý jáne aldyn alý is-sharalaryn: aýrýdy tómendetý, densaýlyqty nyǵaıtý jáne fızıkalyq damýyn jaqsartý, eńbek jaǵdaıy men turmysyn jaqsartýmen, bilikti emdelýge muqtajdardy ýaqytyly qamtamasyz etý men ýaqytyly ótkizý arqyly qol jetkiziledi, - dedi.

Odan ári tıisti mınıstrliktiń ókili áskerı-medısınalyq qamtamasyz etýdi uıymdastyrý jáne merzimdi áskerı qyzmetke shaqyrý kezinde azamattardy medısınalyq kýálandyrýdan ótkizý týraly aıtty. Halyqaralyq ister, qorǵanys jáne qaýipsizdik komıtetiniń depýtaty Iý. Tımoshenko óz sózinde áskerı qyzmetke irikteý kezinde de, aýrýdyń aldyn alý jáne der kezinde anyqtaý jáne emdeý kezinde de júıeli problemalar bar ekenin atap ótti.

Sonymen qatar depýtattar áskerı-medısınalyq mekemelerdi jabdyqtaý, áskerı-dárigerlik komıssııalardyń qyzmeti, 2020 jylǵy kóktem-kúz kezeńine áskerge shaqyrýdyń qazirgi máseleleri, áskerge shaqyrylýshylardyń elektrondyq densaýlyq pasporttaryna áskerı-dárigerlik komıssııaǵa ruqsat berý úshin aqparattyq júıelerdi ıntegrasııalaý máselelerin, sondaı-aq basqa da birqatar máselelerdi talqylady.

Aıta ketý kerek, sharaǵa Májilis depýtattary, Qorǵanys Mınıstriniń orynbasary B. Qurmanbaev, Densaýlyq saqtaý vıse-mınıstri L. Aqtaeva, Qarjy mınıstrliginiń, Ulttyq gvardııanyń, UQK Shekara qyzmetiniń jáne áskerı-medısınalyq mekemelerdiń ókilderi qatysty.

Otyrys qorytyndysy boıynsha áskerı qyzmetshiler men áskerge shaqyrý kontıngentin medısınalyq qamtamasyz etý salasyndaǵy zańnamany odan ári jetildirý úshin usynymdar qabyldandy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar