Álem • 26 Aqpan, 2020

Meje – 5 mıllıard (О́zbekstan men Túrkııa taýar aınalymyn ulǵaıtýǵa nıetti)

40 retkórsetildi

О́zbekstan prezıdenti Shavkat Mırzıeıov jaqynda Túrkııaǵa resmı saparmen barǵan bolatyn. Túrkııaǵa zaıybymen birge barǵan О́zbekstan basshysyn Ankarada prezıdent Rejep Taııp Erdoǵan men Ankara basshylyǵy, resmı ókilder qarsy aldy.

 

О́zbekstan prezıdenti ákim­shiliginiń habarlaýynsha, resmı sapar prezıdent Rejep Taııp Erdoǵannyń shaqyrýy negizin­de bolǵan. Issapar barysynda joǵary dárejedegi keńestermen qatar Strategııalyq seriktestik keńesiniń alǵashqy otyrysy ótti. Sonymen birge Prezıdent kitaphanasy kesheniniń saltanatty ashylý rásimine qatysty. 

Eki el basshylary saıasat, ekonomıka, saýda, ınves­tı­sııa, qarjy, transport, baılanys, bilim, mádenıet sala­laryndaǵy áriptestik pen kún tártibindegi halyqaralyq, aı­maqtyq máselelerdi talqylady. Sarapshylardyń pikirinshe, Shavkat Mırzıeıovtiń sapary­nyń negizgi maqsaty – eki­jaqty saýda-ekonomıkalyq qaty­nas­tarǵa jańa serpin berý. О́ıt­keni Tashkent eksport kólemin arttyrǵysy keledi. Oǵan qosa transport-logıs­tıka júıe­sin de ilgeriletý О́zbek­stan josparynda bar.

Kelisimder kezinde Shavkat Mırzıeıov «Túrkııa men О́zbek­stannyń seriktestigi jańa pa­raq­qa jazylmaq», dedi. Jıyn­da sońǵy eki jyldaǵy árip­testik jetistikterin aıta kele, keleshek josparlarymen bó­listi. «Búgingi strategııalyq keńes jumysynyń bastalýy da eki eldiń dostyǵyna jańa lep beretinine senemin. Bizdi Pre­zıdent kitaphanasynyń ashylýyna shaqyrýyńyz da О́zbekstan halqyna degen syı-qurmetińizdiń belgisi. Taýar aınalymynyń kólemin 5 mlrd AQSh dollaryna jetkizý úshin bar kúshimizdi salyp jumys isteımiz. Osy oraıda 5 mlrd AQSh dollarynyń shekti emes ekenin aıtyp ótkim keledi», dedi Túrkııa prezıdentine alǵys bildirgen Sh.Mırzıeıov.

Strategııalyq seriktestik keńesiniń alǵashqy otyrysynda eki el baılanysyndaǵy kenje qalǵan baǵyttarǵa ba­symdyq berý kelisildi. О́n­diris, bilim, týrızm, densaýlyq saqtaý, mádenıet pen sport sala­larynyń damýyna negizdelgen úlken jobalar toqtaǵany da keńes barysynda eske salyndy. «Bul turǵyda Túrkııanyń úlken kompanııalaryna arnalǵan jalpy somasy 1 mlrd AQSh dollary bolatyn baǵdarlamalar daıyndap jatyrmyz. Bul is-sharalardy ári qaraı jalǵastyrý úshin ártúrli qoldaý kórsetýge usynys aldyq», dedi Shavkat Mırzıeıov.

Eki memleket basshysynyń basqosýynda, sondaı-aq jahan­dyq qaýipsizdik pen Ortalyq Azııa máselesi, Aýǵan­stan­daǵy sońǵy jaǵdaılar talqylan­dy. Osy oraıda «Aýǵanstan­da beıbitshiliktiń ornaýy úshin kúsh biriktiremiz dep kelistik», dep málimdedi Rejep Taııp Erdoǵan. Seriktestik taqyrybynan bólek, din máselesi de qaýzaldy. «Túr­kııa­nyń halyqaralyq arenadaǵy róli men qurmeti jyl sanap artyp keledi. Baýyrlas memlekettiń damýy, eldegi beıbitshilik pen dostyq, keleshekke nyq jospary qýantady. Bolashaqta bulardyń odan ári damı, bekı túsýine biz de qolymyzdan kelgenshe kómektesýge, qoldaý bildirýge daıyn ekenimizdi jetkizgim keledi», dep sózin túıindedi О́zbek­stan basshysy. Kezdesý sońyn­da Shavkat Mırzıeıov Rejep Taııp Erdoǵandy Stra­tegııa­lyq seriktestik keńe­siniń otyrysyna qatysý úshin О́zbekstanǵa shaqyrdy.

Shavkat Mırzıeıov Túrkııaǵa buǵan deıin 2017 jyldyń qazanynda barǵan bolatyn. Al Túrkııa prezıdenti 2018 jyly sáýirde О́zbekstanǵa saparlaǵan edi.

Derekterge qaraǵanda, О́z­bek­­­standaǵy Túrkııa qol­daýy­men ashylǵan kompanııalar sa­­ny 915-ten 1306-ǵa ósken. Tash­­­­kentte Túrkııanyń Ziraat bank-i, kilem, kıim óndiretin ká­sip­oryn­dar men qurylys mate­rıal­daryn shyǵaratyn kompanııalary jumys isteıdi.

Sońǵy jańalyqtar

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Qazalyda kim qaýeset taratty?

Aımaqtar • Búgin, 14:30

TJ rejimin oıynshyq kóretinder kóp

Aımaqtar • Búgin, 14:19

Zeınetaqy men járdemaqylar ósti

Ekonomıka • Búgin, 14:12

Tumaýdan otyz ese tez juǵady

Suhbat • Búgin, 14:00

Kóktemgi egiske kóp qalǵan joq

Qazaqstan • Búgin, 13:32

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

Uqsas jańalyqtar