Aımaqtar • 26 Aqpan, 2020

Bos jatqan jerlerge baqylaý kúsheıdi

37 retkórsetildi

Qostanaı oblysynda qaraýsyz jatqan alqaptar men maqsatsyz paıdalanymdaǵy jer telimderine baqylaý kúsheıtildi. Ásirese aýyl sharýashylyǵy maqsatyndaǵy jerler men kommersııalyq qurylys nysandary túsetin jer telimderi qatań qadaǵalaýǵa alyna bastady.

 

Máselen, byltyr júrgizilgen tekseris barysynda jerge qatys­ty 325 zań buzý faktisi anyq­talyp, jerdi zańsyz paıda­la­nýshylarǵa 23 mıllıon teńge kó­leminde aıyppul tóleý min­det­tedi. Sondaı-aq aýyl sha­rýa­­shylyǵy maqsatyndaǵy

320 myń gektar jer memleket men­shigine qaıtarylyp alyndy. Onyń 115 myń gektaryn sot ar­qyly májbúrli túrde alýǵa týra kelgen. Aýqymdy tekserý shara­larynan keıin aımaqtaǵy 80 myń gektardan astam jaıylym tıisti maqsatqa paıdalany­lyp, nátıjesinde óńirde mal ba­sy arta bastady. Jer baqylaý ınspektorlarynyń málimetinshe, búginde bul jaıylymdarda sharýa qo­jalyqtary 207 jylqy, 622 iri qara, 304 usaq mal baǵyp otyr.

Qazir ıgerýsiz bos jatqan jer­lerdi ustap otyrý menshik ıe­leri úshin de tıimsiz. О́ıtkeni olardyń qaramaǵyndaǵy jerdi aýyl sha­rýashylyǵy maqsatyna paıda­lanbaǵany úshin salyqty 10 ese artyq tóleýge májbúr. Byl­tyr­dyń ózinde mundaı jerlerden oblys bıýdjetine salyq túrinde 212 mıllıon teńgeden astam qarjy túsken. О́tken jyly 220 myń gektarǵa jýyq alqaptyń paıdalanýsyz jatqany anyqtalǵan edi. Odan oblys bıýdjetine naýryz aıyna deıin shamamen 39 mıllıon teńgedeı salyq túsýi tıis. Jerdi tıim­di paıdalanýǵa mindetteıtin qatań sharalardyń nátıjesinde Jangeldın, Jitiqara, Beıimbet Maılın aýdandaryndaǵy bir­qatar sharýashylyq jalpy kólemi 205 myń gektar jerden erikti túrde bas tartqan. Mem­leket menshigine ótken jerdiń basym bóliginiń qunary tómen ekenin aıtpaı ketýge bolmaıdy. Oblys basshylyǵy aldaǵy ýaqytta óńirdiń soltústik aýdan­da­ryndaǵy túgin tartsań, maıy shyǵatyn quıqaly jerlerdi qa­tań baqylaýǵa alýdy kózdep otyr.

Aımaqta kommersııalyq qu­ry­lys nysanyn salýǵa arnalǵan jer telimderi de mejelengen maq­satta paıdalanylyp jat­qan joq. Jerdiń paıdalanylýy men qorǵalýyn baqylaý bas­qarmasynyń basshysy Nur­lan Ábdýevtiń aıtýynsha, ótken jy­ly júrgizilgen tekserýden keıin 58 jer telimi sot ar­qy­ly memleket menshigine qaı­ta­rylyp, 137 jer telimi me­je­li maqsatqa paıdalanyla bas­taǵan. Bıyl kommersııalyq qu­rylys júrýi tıis 100 jer telimi taǵy da memlekettik men­shikke qaıtarylýy múmkin. Onyń 70-i shaǵyn kásipkerlerge bó­lingen jer telimi.

О́ńirde bıyldan bastap aýyl sharýashylyǵyna tıesili jerlerge ǵaryshtyq monıtorıng júr­gizetin qanatqaqty joba jú­zege asa bastaıdy. Bul taıaý­da Prezıdent jarııalaǵan sha­ǵyn kásipkerlikti tekserýdi shek­teı­tin moratorıı erejelerin buz­baı-aq, paıdalanýsyz jatqan jerlerdi baqylap anyqtaýǵa múm­kindik beredi.

Aldaǵy ýaqytta oblysta jer paıdalanýǵa quqyq berý úshin ótkiziletin konkýrstarǵa qa­tysty qabyldanatyn she­shim­derdiń durys-burystyǵy da qatań baqylaýǵa alynady. Máselen, 2020 jyldyń alǵash­qy jartyjyldyǵy ishinde Sary­kól, Fedorov, Qostanaı aýdan­darynyń ákimdikterine tekserý júrgizý josparlanyp otyr. Bul is-shara laýazymdy tulǵalardy ákim­shilik jaýapqa tartý maq­satynda emes, aýdandardaǵy jer qatynastary bólimderine quqyq­tyq-ádistemelik kómek kórsetý úshin júrgizilmek.

 

QOSTANAI

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar