Aımaqtar • 26 Aqpan, 2020

Qurylys jumystarynyń sapasyna tıisti kóńil bólý qajet - Altaı Kólginov

9 retkórsetildi

Elorda ákimdiginde qoljetimdi jáne kommersııalyq turǵyn úı, áleýmettik jáne mádenı nysandar qurylysy talqylandy. Altaı Kólginov jetekshi qurylys kompanııalarynyń ókilderimen kezdesti. Bul týraly qala ákimdiginiń baspasóz qyzmeti habarlady.

Kezdesýde qurylys salýshylar birqatar usynystaryn aıtty. Elorda ákimi Altaı Kólginov qurylys jumystarynyń sapasyna tıisti kóńil bólý qajettigin atap ótti.

«Turǵyn úıler men áleýmettik nysandar salý - biz úshin basty mindet. Bul iste ákimdik barynsha qoldaý kórsetip keledi, kórsetetin bolady da. Alaıda sizderdiń taraptaryńyzdan da barlyq qajetti talaptar oryndalý kerek. Olardyń qataryna qurylys sapasy, jumys kezindegi qaýipsizdikti qamtamasyz etý, qyzmetkerlerge ýaqytyly jalaqy tóleý jatady. Memleket basshysynyń tapsyrmasyna  sáıkes bıyl qoljetimdi turǵyn úı qurylysynyń kólemi úsh ese artady. Birlese qurylys qarqynyn arttyrýymyz qajet», - dedi qala ákimi Altaı Kólginov.

Elordada biryńǵaı dızaın-kod qabyldandy. Dızaın-kod stılıstıkalyq turǵyda biryńǵaı, jaıly ári qaýipsiz qalalyq ortany qalyptastyrý maqsatynda qabyldanǵan birqatar erejeler men usynymdardan turady. Dızaın-kod ǵımarattardyń qasbettik elementterine jáne kóshe-jol keńistigine baǵyttalǵan. Sondaı-aq, shaǵyn sáýlet nysandaryn, abattandyrýdy, árleý materıaldaryn qoldanýdy, tústik sheshimderdi, jarnamalyq qurylymdardyń mólsherin eskere otyryp, ǵımarattardyń qasbettik bóliginen kóshe-jol jelisiniń qazirgi jaǵdaıyn túzetý qarastyrylǵan.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar