Qazaqstan • 26 Aqpan, 2020

Senatorlar: Otandyq kadrlardy daıarlaý arqyly sheteldik qyzmetkerlerdi aýystyrý kerek

17 retkórsetildi

Senatta Áleýmettik-mádenı damý jáne ǵylym komıtetiniń músheleri sheteldik jumys kúshin tartý máseleleri boıynsha ýákiletti organdar ókilderimen kezdesti. Bul týraly Senattyń baspasóz qyzmeti habarlady.

Júzdesýge Senat depýtattary, eńbek jáne halyqty áleýmettik qorǵaý, ishki ister, syrtqy ister, ındýstrııa jáne ınfraqurylymdyq damý mınıstrlikterdiń ókilderi, sondaı-aq «Atameken» ulttyq kásipkerler palatasynyń qyzmetkerleri qatysty.

Eńbek jáne halyqty áleýmettik qorǵaý mınıstri Birjan Nurymbetov óz sózinde Eńbek kodeksine sáıkes teń jaǵdaıda birdeı jumysty atqaratyn qyzmetkerler arasynda eńbekaqy tóleýde sáıkessizdikterge jol berilmeıtinin atap ótti. Alaıda, eńbek mıgranttaryn ákeletin kompanııalardyń tıisti talaptardy saqtamaı otyrǵany týraly derekter anyqtalyp otyr. «Bas prokýratýramen birlesken tekserý barysynda eńbek jáne kóshi-qon zańnamasyn buzýdyń 1008-den astam deregi anyqtaldy, onyń ishinde 27 kásiporynda 479 fakti oryn alǵan. Zań buzýshylyqtardyń eń kóbi Aqtóbe, Shyǵys Qazaqstan jáne Atyraý oblystarynda anyqtaldy», - dedi mınıstr.

Senatorlar talqylaý barysynda óńirlerge saparda bolǵan kezde azamattar otandyq jáne sheteldik qyzmetkerler arasyndaǵy eńbekaqynyń teń bolmaı otyrǵany birneshe ret kóterilgenin atap ótti.

B.Nurymbetov sheteldik jáne qazaqstandyq qyzmetkerler arasyndaǵy kemsitýshilik faktilerin boldyrmaý maqsatynda sanıtarlyq-turmystyq birdeı jaǵdaı jasaýdy kózdeıtin eńbek máseleleri jónindegi zań jobasy Májilis qaraýynda jatqanyn jetkizdi.

Senat depýtattary óz mamandarymyzdy daıarlaý arqyly sheteldik qyzmetkerlerdi aýystyrý máselesin kóterdi. Birjan Nurymbetov jaýap retinde tıisti erejeler engize otyryp, jumys kúshin josparlaýdaǵy shekteýler týraly aıtty. «Biz qazaqstandyq jumysshylardy aýystyrý jónindegi erejeni qaıta engizgimiz keledi. Ol bizdiń mamandardyń biliktiligin arttyrýǵa múmkindik beredi. Qazir osy erejeniń bári memlekettik organdardyń kelisiminde jatyr», - dedi mınıstr.

Senatorlar óz kezeginde ishki eńbek naryǵyn qosymsha qorǵaýǵa jáne jergilikti atqarýshy organdarǵa qazaqstandyq azamattardy jumysqa ornalastyrýǵa múmkindik beretin sharalarǵa qoldaý bildirdi.

Ishki ister mınıstriniń birinshi orynbasary Marat Qojaev jumys oryndaryna sheteldikterdi zańsyz tartýdy asa ótkir máselelerdiń biri retinde atady. Mınıstrdiń birinshi orynbasarynyń aıtýynsha, bul kóbinese áleýmettik shıelenistiń ósýin týyndatady jáne kásiporyndarda ashyq qaqtyǵystarǵa aınalýy da kóbirek.

Komıtet tóraǵasy Murat Baqtııaruly talqylaýdy aıaqtaı kelip, sheteldik jumys kúshin tartýdy retteý máselesi memleket úshin de, jalpy qoǵam úshin de mańyzdy ekenin atap ótti.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar