Aımaqtar • 26 Aqpan, 2020

Qarmaqshyda halyqqa kórsetiletin memlekettik qyzmetter jármeńkesi ótti

71 retkórsetildi

Qarmaqshy aýdany ákimdigi men Memlekettik qyzmet isteri agenttigi Qyzylorda oblysy boıynsha departamentiniń uıymdastyrýymen Josaly kentinde halyqqa kórsetiletin memlekettik qyzmetter jáne bos jumys oryndary jármeńkesi ótti.

Jármeńkede jumyspen qamtý, bilim, jer, turǵyn úı, sáýlet jáne qurylys, azamattyq hal aktilerin tirkeý, ádilet, memlekettik kirister, kóshi-qon salalary boıynsha qyzmetter kórsetetin ýákiletti organdar men «Azamattarǵa arnalǵan úkimet» memlekettik korporasııasy aýdandyq bóliminiń ókilderi jınalǵandarǵa óz salalary boıynsha keńinen túsinik berdi.

QR MQIA oblystyq departamentiniń basshysy Nurman Talqanbaev sharanyń mańyzdylyǵyna toqtaldy.

Memlekettik kórsetiletin qyzmetter jármeńkesiniń maqsaty – turǵyndarǵa bir mezette bir jerden birneshe qyzmetterdi alý jáne sala mamandarynan zańgerlik keńes alý múmkindigin qamtamasyz etý bolyp otyr.

Bos jumys oryndary jármeńkesi memlekettik organdar men jeke mekemelerge ózderiniń talaptaryna sáıkes keletin mamandardy tabýǵa, al aýdan turǵyndary úshin mamandyqtary boıynsha jumys izdeýge úlken múmkindik beretinine senimdimin, - dedi N.Talqanbaev.

Jármeńkege kelgen turǵyndarǵa «Digital agent» mobıldi qosymshasy arqyly qyzmet sapasyna shaǵym berý tártibi túsindirildi. Sondaı-aq, «egov-mobile» mobıldi qosymshasy, «Úshinshi tulǵalar servısi» men Telegram-bot kómegimen túrli anyqtamalar alý joldary kórneki túrde kórsetildi. Birneshe turǵynǵa elektrondy sıfrlyq qoltańba (ESQ) rásimdelip, ESQ kómegimen qajetti qujattaryn sol jerde aldy.

Bos jumys oryndary jármeńkesinde kent ákimi apparatyna qarasty «Tolǵanaı» balabaqshasy, №105 mektep, Tórebaı bı aýyldyq klýby, №111 mektep mekemedegi tıisti mamandarǵa suranys jasady.

Jalpy alǵanda, jármeńkede 7 memlekettik mekeme, 6 kásipkerlik sýbektisinen bos jumys oryndary usynylyp, 27 adamǵa turaqty jumysqa, al 3 turǵynǵa ýaqytsha jumysqa joldama berildi.

Sonymen qatar, jármeńkede 12 adam «Jastar tájirıbesi» boıynsha, 13 turǵyn kásipkerlik negizderi kýrsyn oqý boıynsha keńester aldy.

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar