Álem • 26 Aqpan, 2020

Qazaqstan Elshisi Slovakııa Prezıdentine senim gramotalaryn tapsyrdy

13 retkórsetildi

Roman Vasılenko rezıdensııasy Bratıslavada ornalasqan Qazaqstannyń osy eldegi tuńǵysh Tótenshe jáne О́kiletti Elshisi retinde Slovak Respýblıkasynyń Prezıdenti Zýzana Chapýtovaǵa senim gramotalaryn tapsyrdy. Bul týraly SIM baspasóz qyzmeti habarlady.

Tapsyrý saltanatynan keıingi suhbat barysynda R. Vasılenko Prezıdent Qasym-Jomart Toqaevtyń jáne jalpy Qazaqstan basshylyǵynyń Slovakııamen jan-jaqty ózara tıimdi yntymaqtastyqty damytýǵa qyzyǵýshylyǵyn atap, ótken jyly elimizdiń Bratıslavadaǵy elshiliginiń ashylýy bunyń aıqyn dáleli ekenine nazar aýdardy.

Eki el arasynda áli tolyqqandy iske qosylmaǵan yntymaqtastyqtyń áleýeti saýda-ekonomıkalyq, mádenı-gýmanıtarlyq yqpaldastyq pen adamdar arasyndaǵy baılanystardy nyǵaıtý salasynda jatqany atap ótildi. 

Qazirgi tańda Qazaqstanda slovak úlesi bar 40-tan astam kompanııa qyzmet etýde. О́zara is-árekettestiktiń aıtarlyqtaı perspektıvalary ınjınırıng, qorǵanys ónerkásibi, energetıka, IT, farmasevtıka, aýyl sharýashylyq ónimderdi qaıta óńdeý jáne taǵy basqa salalarda baıqalýda. Sonymen qatar, ú.j. 1 naýryzdan bastap Qazaqstan men Eýropalyq Odaq jáne oǵan múshe-memleketter arasyndaǵy keńeıtilgen áriptestik jáne yntymaqtastyq týraly kelisimniń tolyq kúshine enýi turǵysynda eki eldiń ózara is-árekettestigin kúsheıtý úshin qolaıly perspektıvalardyń paıda bolatyny da erekshe ataldy.

О́z kezeginde Prezıdent Z. Chapýtova Qazaqstannyń Bratıslavadaǵy elshiliginiń ashylýynyń pozıtıvtik mánin aıta kele, elderimiz arasyndaǵy sońǵy jyldardaǵy yntymaqtastyqtyń qarqyny odan ári kúsheıe beretinine úmit bildirdi.

Suhbattasýshylar eki el arasynda tarıhı damýda, sondaı-aq naryqtyq ekonomıkaly demokratııalyq memleketter retinde qalyptasýynyń qazirgi kezeńinde kóptegen uqsastyqtar bar ekenin atap ótti. Bul yntymaqtastyqty odan ári nyǵaıtý jáne tájirıbemen almasý úshin jaqsy alǵyshart jasaıdy.

Cuhbat barysynda klımattyń ózgerýine qarsy kúres jáne balamaly energetıkany damytý jónindegi eki eldiń kúsh-jigerine erekshe kóńil bólindi. 2050 jylǵa deıin kómirtek beıtaraptyǵyna qol jetkizý jóninde qabyldaǵan mindettemeleri turǵysynda slovak memleketiniń basshysy 2050 jylǵa qaraı jańartylmaly energııa kózderi esebinen elimizdiń energetıkalyq qajettiliginiń 50 paıyzyn qamtamasyz etý úshin Qazaqstanda júrgizilip jatqan kún, jel jáne balamaly energetıkanyń basqa da túrlerin damytý jumysy týraly aqparatty qyzyǵýshylyqpen qabyldady.

Jyly atmosferada ótken suhbattan keıin Z. Chapýtova Qazaqstan basshylyǵy men halqyna izgi tilekterin bildirdi.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar