«Úsh kategorııanyń tizimine ózgeris engizildi. Vedomstvoaralyq komıssııanyń otyrysynda osy jaǵdaı qaralyp, barlyq múddeli vedomstvolarǵa tapsyrma berildi. Birinshi sanatqa taǵy birqatar elderdi engizdik. Bul sanatta buryn tek Qytaı bolsa, endi Ońtústik Koreıa, Japonııa, Italııa, Iran memleketteri men Qytaıǵa baǵynyshty Gonkong, Makao, Taıvan arnaıy avtonomııalyq aımaqtary engizildi. Bul sheshim álemdegi jaǵdaıdyń kúrdelengenin kórsetip jatyr. Sondyqtan barsha vedomstvolar naqty tapsyrma aldy», – dedi bas sanıtar.
J. Bekshınniń aıtýynsha, bir kúnniń ishinde jańa jaǵdaıǵa sáıkes, QR bas santıarlyq dárigerdiń qaýlysyn shyqty. Sol qaýly boıynsha barlyǵyna tapsyrma berildi.
«Mysaly, Indýstrııa jáne ınfraqurylymdyq damý mınıstrligine tapsyrma berildi. Barlyq ákimdikter men densaýlyq saqtaý basqarmalaryna aldyn alý boıynsha tıisti sharalar qabyldaýǵa tapsyrma berildi. Bul ózgertý naýryz aıynyń birinen bastalady», – dedi J. Bekshın.
