Kıno • 11 Naýryz, 2020

«Batyrlar» tarıhı dramasy kórermenge jol tartty (vıdeo)

125 retkórsetildi

12 naýryzdan bastap qan maıdanda jeńilisten jasqanbaı, qarsylastan taısalmaı eldiń shetine, jaýdyń ótine, jaýdyń betine tik turyp, qara úzgen qazaq batyrlary týraly - «Batyrlar» tarıhı kartınasy elimizdiń kınoteatrlarynda kórsetile bastaıdy.

Qazaqstan tarıhyndaǵy qaharman-batyrlar men bahadúrler týraly kınofılm  elimizdiń  úlken ekrandarynan jol tartady. Atalmysh týyndyǵa Qarasaı batyrdyń, sondaı-aq, onyń dosy Aǵyntaı  men  Taımas batyrlardyń ómiri men erligi arqaý bolady.

«Qazaq kınosynda qazirgi zamannyń batyry joq. Máselen, Qarasaı batyr óz eli men otbasy úshin kúresken naǵyz azamat. Onyń balalary soǵysta qaıtys bolǵan. О́zi 19 jekpe-jekke qatysyp, bireýinen de jeńilis kórmegen. Ol qazaq halqynyń birligin ańsaǵan. Kınofılmdi kórgen jastar óz ata-babalarynyń qazirgi kezdegi elimizdiń jaǵdaıy úshin qalaı kúreskenin kóre alady», - deıdi kınokartınasynyń rejısseri Asqar Uzabaev.

Batyrlar

Eńbek jolynda alǵash ret tarıhı janrda tolyqmetrajdy  «Batyrlar» kınokartınasyn taspalaǵan rejısser Asqar Uzabaev: «Ol zamandaǵy qazaq batyrlarynyń bárine tán tek bir ǵana bir ortaq múdde, ortaq qasıet bar. Ol - Otanyna, halqyna degen sheksiz súıispenshilik. Bul kınofılm  - «keskelisken shaıqastarǵa toly», sebebi, sol kezdiń adamdary az sóılep, daý-damaıdyń barlyǵy bilektiń kúshimen sheshilgen»,- dep sózin aıaqtady.

Batyrlar

Kınofılmde kórermen orta ǵasyrdaǵy soǵys pen qantógiske toly zamanǵa saıahat jasaıdy. Osyndaı qıyn-qystaý zamanda dúnıege kelgen bozbalany taǵdyry batyr bolýǵa ıtermeleıdi. Jastaıynan er minezdi bolyp ósken  Qarasaıdy ákesi Altynaı batyrlyq pen batyldyqqa baýlyp ósiredi. Qarapaıym bozbala qolbasshy ataǵyna qalaı jetti? Ol qandaı shaıqastarda jeńiske qol jetkizdi? Qazaqtyń keń dalasyn saqtap qalý úshin ol qandaı qadamdarǵa bardy? Osy suraqtardyń jaýabyn «Batyrlar» kınotýyndysynan  kóre alasyzdar.

Batyrlarr

Fılmde  basty rólderdi - Erjan Nurymbet, Nazar Sherhan, Murat Bısenbın, Samal Eslıamova jáne t.b. akterler somdaıdy.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar