Eger osy áńgime aqıqatqa aınalsa, onda elimizde sporttyń bul túriniń ekinshi tynysy ashylatyny sózsiz. Rasynda da, qazirgi kezde respýblıkamyzdyń ár aımaǵynda erejesiz jekpe-jekten jarystardyń jıi uıymdastyrylyp júr. Sportshylarymyz shet memleketterde ótip jatqan dodalarǵa úzdiksiz qatysýda. Bul rette eleýli tabystarǵa da qol jetkizdik. Ony eshkim joqqa shyǵara almaıdy.
Desek de eń beldi promoýshen – UFC týrnırlerine kúsh synasatyn jerlesterimiz sanaýly ǵana. Máselen, byltyrǵy jyldyń sońynda Shavqat Rahmonov, jýyrda ǵana Jalǵas Jumaǵulov aıtýly uıymmen kelsimshartqa otyrdy. Sonymen qatar, Qytaıdaǵy qandasymyz Jumabek Tursyn men Reseıdiń qazaǵy Damır Ismaǵulov sol jarystarda óner kórsetti. Árıne, oǵan biz qýanamyz. Biraq Qazaqstan sekildi irgeli memleket, qazaq sekildi qaısar ult úshin bul kórsetkishtiń azdyq etetini anyq.
Eger joǵarydaǵy aqparat rastalsa, onda keremet bolar edi. Qazaqstandyq jankúıerler úshin naǵyz «sen tur, men ataıyndardyń» aıqasyn óz kózderimen kórýge múmkindik týyndaıdy. Osy dodany tamashalaǵan jergilikti jastardyń erejesiz jekpe-jekke degen qyzyǵýshylyǵy da kúrt artady. Al eger Nur-Sultandaǵy jarysta joǵaryda esimderi atalǵan qandastarymyz kúsh synassa, onda nur ústine nur bolar edi.
