Aımaqtar • 26 Aqpan, 2020

Jambyl oblysynda ishimdik satylmaıtyn aýyl bar

118 retkórsetildi

Jambyl oblysy Talas aýdanynyń Qasqabulaq aýyly aýdan ortalyǵy Qarataý qalasynyń ońtústik-batysynda 10 shaqyrym qashyqtyqta ornalasqan. Birligi bekem, tirligi tııanaqty aýyl turǵyndary aýyl jastaryn tárbıeleýge erekshe mán beredi. Aýyl bolǵanymen, búginde túrli ıgiliktiń uıytqysyna aınalǵan. Qasqabulaq aýylynda myńǵa tarta adam turady. Munda 1937 jyldan beri kúrd dıasporasy toptasyp tirshilik keshýde. Olar negizinen mal sharýashylyǵymen aınalysady.

Qasqabulaq aýylynda sońǵy jyldary birde-bir qylmys bolmaǵan. Mal sharýashylyǵy arqyly kásibin damytyp otyrǵan turǵyndardyń arasynan ataýly áleýmettik kómek alýshylar tirkelmegen. Ásirese, aýyl dúkenderinde ishimdiktiń múldem satylmaıtyndyǵy da aýyl turǵynydarynyń jaqsylyqqa beıim ekenin kórsetedi.

Aýyl turǵyndary jastardyń ishimdik iship júrgenshe, bastamashyl ári eńbekke beıim bolǵanyn durys kóredi. Mundaǵy ár otbasynda shamamen 5-6 baladan bar desek, aýyl turǵyndarynyń deni jastar. 2018 jyly paıdalanýǵa berilgen orta mektepte búginde 135 oqýshy bilim alýda. Sondaı-aq jastar aýyl klýbynda jaqsy isterge uıytqy bolyp, úlkenderge qolǵabys jasaıdy.

 

Jambyl oblysy

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar