Ústimizdegi jyldyń sáýir aıynyń 15-inde AQSh-tyń Boston qalasynda marafon jarysy kezinde oryn alǵan jarylystyń jaıyn tekserýshi quqyq qorǵaý qyzmetkerlerine kedergi keltirdi, degen aıyp taǵylyp otyrǵan qazaqstandyq qos stýdent burnaǵy kúni júrgizilgen birinshi sot májilisinde óz kinálaryn moıyndaryna alǵan joq. Bul týraly ITAR-TASS habarlady.
AQSh bıligi aıyp taǵyp otyrǵan Qazaqstannan barǵan eki stýdent – Azamat Tájaıaqov pen Dıas Qadyrbaev, tergeýdiń málimetinshe, Boston teraktisiniń aıǵaǵy bolyp tabylatyn zattardy qurtyp jiberip, osy arqyly quqyq qorǵaý organdary qyzmetkerleriniń jumystaryna kedergi keltirmek bolǵan. О́tken jetide alqabıler alqasy sot Qadyrbaev pen Tájaıaqovty sot quqyq qorǵaýǵa kedergi keltirdi degen aıyppen jazaǵa tarta alady, degen qaýly qabyldady. Tergeýdiń málimeti boıynsha, 19 jastaǵy eki jigit Djohar Sarnaevtyń menshigindegi pırotehnıkalyq zattar salynǵan rıýkzaktan, sondaı-aq noýtbýkten qutylmaq bolyp, dalaǵa laqtyryp jibergen. Eger osy aıyptary tolyq dáleldener bolsa, olarǵa 20 jylǵa deıin qulyp astynda otyrý jazasy kesilý qaýpi tónip tur.
Qazir Bostonda Azamat Tájaıaqovtyń ákesi men sheshesi júr.
Sultan Bozaıǵyr.
