Uıymdastyrýshylar sharanyń maqsaty – qazaq óneriniń damýyna súbeli úles qosqan ánshiniń shyǵarmashylyq murasyn nasıhattaý, jas talanttardy qanattandyrý, mýzykalyq talǵamǵa tárbıeleý jáne jandy daýystaǵy orkestrmen jumys isteý sheberligin damytý ekenin aıtady.
Bıylǵy baıqaýdyń basty ereksheligi - fınalıster battl arqyly irikteledi. Oǵan 18 ben 30 jas aralyǵyndaǵy vokalıster qatysa alady. Án dodasynyń fınaly Shúkenovtiń týǵan jeri Qyzylordada mamyrdyń 16-sy men 18-i aralyǵynda ótedi dep kútilýde.
«Baýqaýdyń «OTAN ANA» dep atalýynyń ózindik sebebi bar. Sebebi Batyrhan aǵamyzdyń eń basty áni dep osy ándi aıtamyz. Bul shyǵarma ánshiniń karerasyndaǵy, ónerindegi bir úlken beles dep oılaımyn», - deıdi GAKKU mýzykalyq telearnasynyń bas prodıýseri, qazylar alqasynyń múshesi Tımýr Balymbetov.
