Aımaqtar • 26 Aqpan, 2020

Almatydaǵy MÁMS 173 qyzmet kórsetýshimen kelisimshart jasady

15 retkórsetildi

Búgin Almaty qalasy ákimdiginiń baspasóz ortalyǵy alańynda Almaty qalasy Qoǵamdyq densaýlyq basqarmasynyń basshysy Tileýhan Ábildaev pen Almaty qalasy «Áleýmettik medısınalyq saqtandyrý qory» KEAQ fılıalynyń dırektory Nurlybek Qabdyqaparov mindetti áleýmettik medısınalyq saqtandyrý júıesi aıasynda qyzmet kórsetý týraly baıandady.

Jańa reformanyń arqasynda bıyl Almaty qalasynyń Densaýlyq saqtaý salasyndaǵy qarjylandyrý kólemi 1,5 esege ósti.

Búgingi kúni Almaty qalasyndaǵy áleýmettik medısınalyq saqtandyrý qory 173 qyzmet kórsetýshimen kelisimshart jasady. Onyń ishinde 144 medısınalyq mekeme memlekettik tapsyrys aıasynda qyzmet kórsetedi. Mindetti medısınalyq saqtandyrý aıasynda 152 uıymdarmen sharttar jasaldy, onyń 55% -y jeke menshik.

Medısınalyq saqtandyrý júıesinde jetkizýshilermen birge medısınalyq qyzmetter kórsetýdi iske asyrý jalǵasýda. 2020 jyly MÁMS engizýmen ońaltý jáne qalpyna keltirý kómegin kórsetý boıynsha medısınalyq uıymdardyń sany artty. Búgingi tańda Almaty qalasy boıynsha olardyń sany 62-ge jetti,onyń 25-i jeke menshik klınıkalar. Salystyrý úshin 2019 jyly bul qyzmetti kepildi kólem sheńberinde bar bolǵany 4 mekeme bolǵanyn atap ótken jón.

DSB basshysynyń aıtýynsha, búgingi tańda barlyq medısınalyq mekemeler tegin medısınalyq kómektiń kepildik berilgen kólemi men MÁMS aıasynda azamattarǵa ýaqytyly medısınalyq kómek kórsetý úshin qajetti ınfraqurylymmen jabdyqtalǵan.

Pasıentterge yńǵaıly bolý úshin qazir barlyq medısınalyq uıymdar, Qor jetkizýshileri MÁMS-ke jarnalardy tóleý úshin tólem termınaldaryn belsendi túrde ornatýda. Mundaı ózine-ózi qyzmet kórsetý apparattary MÁMS júıesinde medısınalyq qyzmet kórsetýdi talap etetin, saqtandyrylmaǵan adamǵa medısınalyq mekeme ǵımaratynan shyqpaı-aq termınal arqyly tólem júrgizýge jáne MÁMS júıesinde birden «saqtandyrylǵan» bolýǵa múmkindik beredi.

О́z betinshe tabys tabatyndar eki jolmen MÁMS-ke  qatysa alady: eń tómengi jalaqynyń (ETJ) 5%-yn, ıaǵnı aıyna 2 125 teńge tóleı otyryp nemese biryńǵaı jıyntyq tólem (BJT) tóleı arqyly. Almaty úshin tólem ­­­­­ ­2 651 teńgeni quraıdy.

ALMATY

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar