Osy kúnderi Máskeýde jeńil atletıkadan ótip jatqan álem chempıonatynda jıyrmadan astam medaldiń ıegerleri anyqtaldy.
Bizdiń ókinishimizge qaraı, qazaqstandyq sportshylar áli birde-bir júlde ala almaı otyr. Al basqa elderdiń úkilep qosqan úmitteri birinen soń biri álem chempıonaty bastalǵan tórt kúnniń ishinde josparlanǵan 47 medal jıyntyǵynyń teń tartysyn ózara taratyp úlgerdi. Sonyń ishinde jarystyń ekinshi kúni ıamaıkalyq jelaıaq Ýseın Bolt 100 metrge júgirýden chempıon atandy.
Osy kúnderi Máskeýde jeńil atletıkadan ótip jatqan álem chempıonatynda jıyrmadan astam medaldiń ıegerleri anyqtaldy.
Bizdiń ókinishimizge qaraı, qazaqstandyq sportshylar áli birde-bir júlde ala almaı otyr. Al basqa elderdiń úkilep qosqan úmitteri birinen soń biri álem chempıonaty bastalǵan tórt kúnniń ishinde josparlanǵan 47 medal jıyntyǵynyń teń tartysyn ózara taratyp úlgerdi. Sonyń ishinde jarystyń ekinshi kúni ıamaıkalyq jelaıaq Ýseın Bolt 100 metrge júgirýden chempıon atandy. Sóıtip, 100 metrge (9,58) jáne 200 metrge (19,19) júgirýden álemdik rekordtyń ıesi, alty dúrkin álem chempıony Ýseın Bolt taǵy da búkil álemdi tańdandyrdy. Ol «Lýjnıkı» stadıonynda ótip jatqan jarysta 100 metrdi 9,77 sekýndta júgirip ótti. Osy kúni eki kún boıy tolmaǵan Máskeýdegi «Lýjnıkı» stadıony Bolttyń fınalǵa shyǵar sátinde lyq toldy. Bolt márege birinshi kelgen soń, óziniń jeńisten keıingi naızaǵaı sátin de kórsetti. Qazir onyń osy ádeti talaı jankúıerge tanymal dese bolady. Endi Bolt úshin «Lýjnıkı» stadıonynda taǵy bir syn saǵaty soǵady. Ol óziniń talaı ret chempıon bolǵan 200 metrlik qashyqtyqqa júgirýde synǵa túsedi. Osy synnan súrinbeı ótse, qazirdiń ózinde aty ańyzǵa aınalyp bara jatqan Bolt álemdi taǵy bir tańdandyratyny sózsiz. Bolttyń aıtýynsha, ol óz atyn tarıhta altyn árippen qaldyryp, Pele, Maradona sııaqty aty ańyzǵa aınalǵan adamdardyń qatarynan kóringisi keledi. Munymen qosa álemdik básekede jeńil atletıkada amerıkalyq Devıd Olıver, 400 metrge jarysqan brıtanııalyq Krıstın Ohýrýogý da myqtylar qatarynan qalyspaıtyndaryn taǵy bir ret dáleldedi.
Álem chempıonatynda reseılik jeńil atlet eki dúrkin Olımpıada chempıony (2004, 2008), London Olımpıadasynyń qola júldegeri Elena Isımbaeva da otandastaryna úlken qýanysh syılady. Ol 4 metr 82 sm-ge sekirip, úsh dúrkin álem chempıony atandy. Bul Elenanyń burynnan beri oılap kele jatqan maqsaty edi. Byltyr ol sporttan ýaqytsha qol úzip, bala týyp, búkil ýaqytymdy otbasyma arnaımyn degendi aıtqany esimizde. Elenanyń sol armany, maqsaty bıylǵy álem chempıonatynda eshkimniń aldynda uıalmaıtyn jaǵdaıda oryndalyp otyr dese bolady. Jarysta chempıon atanǵanda ákesi Gadjı Isınbaevty da kózimiz shalyp qaldy. Ulty tabasaran, Daǵystannyń Hıýa aýdany, Chývek aýylynda týǵan ákesiniń qyzynyń qýanyshyna eki ese qýanyp jatqandaı kórindi.
Bizdiń jeńil atlet Margarıta Muqasheva 800 metrge júgirýde jartylaı fınalǵa óte almady. Ol óz tobynda 2 mınýt 2,6 sekýnd nátıjemen 7 orynǵa taban tiredi. Al bul topta amerıkalyq Brend Martınez 800 metrdi 1 mınýt 59,39 sekýndta júgirip ótip, úzdik nátıje kórsetti. Aıta keterligi, M.Muqasheva bıylǵy Ýnıversıada oıyndarynda 800 metrdi 1 mınýt 58,96 sekýndta júgirip ótken bolatyn.
Ázirge bizdiń 17 sportshymyzdyń tórteýi ǵana jarys jolyna shyǵyp, ónerlerin kórsetti. Álem chempıonatynyń alǵashqy kúnderi Muqasheva sııaqty júlde alady dep úmit artqan kópsaıysshymyz Dmıtrıı Karpov ta úshinshi baǵdarlamadan keıin-aq jarystan shyǵyp qaldy. Ol onsaıystyń birinshi baǵdarlamasynda 100 metrdi 11,37 sekýndta júgirip ótip, márege 30-ynshy bolyp jetse, ekinshi baǵdarlamasynda uzyndyqqa sekirýde 6,59 metrge sekirip, sońǵy orynnan bir-aq shyqty. Osydan keıin ǵana ol azdap babyna kelip, ıadro laqtyrýda 15,39 metr nátıjesin kórsetip, ekinshi oryndy ıelendi. Degenmen, onyń bul nátıjesi joǵary orynǵa shyǵýǵa kómektespedi. Sóıtip, jalpy esepte ol 29-orynǵa kóterildi. Budan keıin 20 shaqyrymǵa sozylǵan erler arasyndaǵy sporttyq júris jarysynda Vıtalıı Anıshkın 45-orynnan kórinse, 1 saǵat 27 mınýt 41 sekýndtyń ishinde júrip ótken Georgıı Sheıko márege 36-ynshy bolyp jetti. Syryqpen sekirýde Nıkıta Fılıppov aldymen birinshi múmkindiginde 5,25 metrge, odan keıin 5,40 metrge de sekirdi. Al sońǵy 5,55 metrdi ol baǵyndyra almady.
Esterińizge sala keteıik, jeńil atletıkadan XIV álem chempıonaty Máskeýdegi «Lýjnıkı» stadıonynda ótýde. 10 tamyzda bastalǵan jarystar 18 tamyzda aıaqtalady.
Dastan KENJALIN,
«Egemen Qazaqstan».
–––––––––––––
Sýrette: Elena ISI
