Oblys ákimi Ábilqaıyr Sqaqov turǵyndar aldyndaǵy esepti kezdesýinde turǵyn úı kezeginde turǵan 27 myń adamnyń sanyn qysqartyp, olarǵa jaıly qonys salý úshin jańa strategııa qabyldaý qajet dedi. Iаǵnı, úılerdiń kimderge beriletini, qaıda salynatynyna jáne ınfraqurylymmen qamtamasyz etýge basymdyq berilmedi.
Elimizdiń Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq komıteti belgilegen josparǵa sáıkes, bıyl oblysta 346 myń sharshy metr baspana salynady. Oblys ortalyǵyndaǵy Saryarqa shaǵyn aýdanynyń qurylysy bastalǵan ýaqyttan beri kópqabatty 26 turǵyn úı salynyp, júzdegen páterler berildi.
Qazir byltyr qazyǵy qaǵylǵan 4 úıdiń qurylysy jalǵasýda. Sonymen qatar, jańa 10 úıdiń irgetasyn qalaý úshin qurylys-montajdaý jumystaryn bastaý josparlanýda. О́tken jyly «Pavlodar» áleýmettik-kásipkerlik korporasııasy arqyly Dostyq shaǵyn aýdanynda qazir kópqabatty 2 úıdiń qurylysy bastaldy. Bıyl bul aýdanda da taǵy 3 úı salyna bastaıdy.
Al, Ekibastuzda 11, Aqsý qalasynda 4 úıdiń qurylysy bastalmaq. О́ńirde qabyldanǵan «Nurly Ertis» baǵdarlamasy Nur-Sultan qalasyndaǵy kópbalaly otbasylar men jas mamandardy óńirimizge kóshirip ákelý boıynsha tıimdi bolǵany belgili.
Bıyl da bul baǵdarlama jalǵasyn tabady. Ekibastuzda salynatyn 11 úıdiń 9-y, Aqsýda boı kóteretin 4 úıdiń ekeýi baǵdarlama aıasynda boı kóteredi. Jáne de «Nurly jer» memlekettik baǵdarlamasy boıynsha oblys ortalyǵynda 14, Ekibastuzda 2 jáne Aqsýda 1 baspana salý josparlanǵan. Sonymen qatar, oblys ortalyǵyndaǵy áýejaı qalashyǵy shaǵyn aýdanynda 37 jeke paneldi úıler biryńǵaı sáýlettik keskinge keltiriledi.
Pavlodar oblysy
